ܡܙܡܘܪ̈ܐ 18:42-50

⁴²ܘܕܘܼܩܕܸܩܵܝ ܠܝܼ ܐܲܝܟ݂ ܥܲܦܪܵܐ ܩܲܕܡ ܦܵܘܚܵܐ، ܐܲܝܟ݂ ܛܝܼܢܵܐ ܕܥܵܠܘܿܠܹ̈ܐ ܪܘܼܦܝܵܝ ܠܝܼ.

⁴³ܘܩܵܡ ܦܲܨܹܝܬ ܠܝܼ ܡ̣ܢ ܡܲܩܲܪ̈ܵܨܘܼܝܵܬܹ‌ܐ ܕܥܲܡܵܐ، ܩܵܡ ܡܲܬܒܸܬ ܠܝܼ ܠܪܹܝܫܵܢܘܼܬܵ‌ܐ ܕܐܸܡܘܵܬܹ̈‌ܐ، ܥܲܡܵܐ ܕܠܹܐ ܝܘܸܢ ܝܕܝܼܥܹܗ ܒܸܬ ܦܵܠܹܚ ܐܸܠܝܼ.

⁴⁴ܟܲܕ ܫܵܡܥܵܐ ܢܵܬܵܝܗ‌ܝ، ܒܸܬ ܨܵܝܬ‌ܝܼ ܐܸܠܝܼ، ܒܢܲܝ̈ ܢܘܼܟ݂ܪ̈ܵܝܹܐ ܒܸܬ ܫܵܠܡܝܼ ܐܸܠܝܼ.

⁴⁵ܒܢܲܝ̈ ܢܘܼܟ݂ܪ̈ܵܝܹܐ ܒܸܬ ܛܲܠܩܝܼ ܓ̰ܘܼܪܐܲܬܵܝܗ‌ܝ، ܘܪܲܬܪܘܼܬܹ‌ܐ ܒܸܬ ܦܵܠܛܝܼ ܡ̣ܢ ܩܲܠܥܵܬܵܝ̈ܗ‌ܝ.

⁴⁶ܚܵܝܵܐ ܝܠܹܗ ܡܵܪܝܵܐ ܘܒܪܝܼܟ݂ܵܐ ܝܠܹܗ ܐܝܼܨܵܪܝܼ، ܘܪܘܼܡܪܵܡܵܐ ܠܐܲܠܵܗܵܐ ܕܦܘܼܪܩܵܢܝܼ.

⁴⁷ܐܲܠܵܗܵܐ ܫܵܩܠܵܢܵܐ ܕܬܘܼܥܠܵܐ ܝܠܹܗ ܩܵܬ‌ܝܼ، ܘܙܲܒܛܸܢܵܢܵܐ ܕܥܲܡܡܹ̈ܐ ܬܚܘܿܬ ܐܲܩܠܝܼ.

⁴⁸ܟܹܐ ܦܲܨܹܐ ܠܝܼ ܡ̣ܢ ܕܸܫ̃ܡܸܢܝܼ̈، ܘܟܹܐ ܡܲܪܡܹܝܬ ܠܝܼ ܠܥܸܠܔ ܡ̣ܢ ܩܵܝܡܵܢܹ̈ܐ ܕܥܲܠܝܼ، ܡ̣ܢ ܐܢܵܫܵܐ ܕܛܠܘܼܡܝܵܐ ܟܹܐ ܦܲܨܹܝܬ ܠܝܼ.

⁴⁹ܒܘܼܬ ܐܵܗܵܐ، ܒܸܬ ܫܲܟܪܸܢܘܼܟ݂ ܓܵܘ ܐܸܡܘܵܬܹ̈‌ܐ، ܝܵܐ ܡܵܪܝܵܐ، ܘܠܫܸܡܘܼܟ݂ ܒܸܬ ܙܵܡܪܹܢ.

⁵⁰ܒܘܼܪܓ̰ܵܐ ܕܦܘܼܪܩܵܢܵܐ ܝܠܹܗ ܠܡܲܠܟܹܗ، ܘܥܵܒ݂ܕܵܢܵܐ ܕܛܲܝܒܘܼܬܵ‌ܐ ܠܡܫܝܼܚܹܗ، ܠܕܵܘܝܼܕ ܘܠܙܲܪܥܹܗ ܗܲܠܔ ܥܵܠܲܡ.