Tingtoeng 18:42-50

⁴²Te dongah amih te khohli hman kah laipi bangla ka neet tih long kah tangnong bangla ka hawk.

⁴³Pilnam kah tuituknah khui lamkah kai nan hlawt. Namtom kah a lu la kai nan khueh te aka ming pawh pilnam loh kai taengah tho a thueng.

⁴⁴Ka ol te a hna dongah olthang la a yaak uh vaengah kholong ca rhoek loh kai taengah mai a tum uh.

⁴⁵Kholong ca rhoek loh tahah uh tih a vongtung khui lamkah samoe uh.

⁴⁶BOEIPA he hingnah la a om dongah ka lungpang tah a yoethen pai tih ka daemnah Pathen tah pomsang pai saeh.

⁴⁷Pathen loh kai hamla tawnlohnah a paek dongah kai dangah ni pilnam a voek.

⁴⁸Ka thunkha rhoek taeng lamkah kai nan hlawt, kai aka tlai thil soah kai nan pomsang bal. Hlang kah kuthlahnah lamkah kai nan huul.

⁴⁹Te dongah BOEIPA nang te namtom taengah kan uem vetih na ming te ka tingtoeng ni.

⁵⁰A manghai kah khangnah tah len khaw len pai. Te dongah ni sitlohnah he a koelh taengah khaw, David neh a tiingan taengah khaw kumhal duela a saii pah.