يَيَ 8:1-13

¹عِسَ نَشَ سِفَ عٌلِوِ فٍيَ مَ.

²كُيٍ تٌ عِبَ، عَ نَشَ سِفَ هْرْ مْبَنشِ. حَمَ تٌ قَ عَ يِرٍ، عَ نَشَ دْشْ، عَ سٌ عٍ كَوَندِقٍ.

³سّرِيّ كَرَ مْشْيٍ نُن قَرِ سّنِيٍ قَن نَشَ قَ فِنّ ندٍ رَ، عٍ نَشَن سُشُشِ عَ نَ يّنّ رَبَقٍ. عٍ نَشَ عَ تِ مِشِ بِرِن يَ عِ،

⁴عٍ عَ قَلَ عِسَ بّ، «كَرَ مْشْ، مُشُ يِ فِنّ سُشُشِ يّنّ نَن شُن.

⁵سّرِيّ كِ مَ، عَننَبِ مُنسَ مُشُ يَمَرِشِ نّ مُشُ شَ يِ فِنّ مْولِ مَفْنْ فّمّ رَ هَن عَ قَشَ. عِ تَن عَ تٌشِ دِ؟»

⁶عٍ نُ نَ فَنتَنيِ نَن تٍقٍ عَ بّ نَ مَشْرِنيِ رَ، عَ شَ قٍ ندٍ قَلَ، عٍ نْمَ عَ كَلَمُدٍ نَشَن مَ. عِسَ نَشَ عَ عِفٌرٌ، عَ نُ قَ سّبّلِ تِ بْشِ مَ عَ بّلّشّسٌلٍ رَ.

⁷عٍ تٌ دْشْ عَ رَ، عَ نَشَ كٍلِ، عَ عَ قَلَ عٍ بّ، «يُنُبِ مُ نَ نَشَن مَ وٌ يَ مَ، نَ سِنفٍ شَ يِ فِنّ فْنْ.»

⁸عَ مَن نَشَ عَ عِفٌرٌ، عَ نُ قَ سّبّلِ تِ بْشِ مَ.

⁹عٍ تٌ عَ شَ وْيّنيِ مّ، عٍ بِرِن نَشَ سِفَ كٍرٍن كٍرٍن، قْلْقٍ قٌرِيٍ مَ. فِنّ فبَنسَن تٌ لُ عِسَ يَ عِ،

¹⁰عِسَ نَشَ كٍلِ، عَ فِنّ مَشْرِن، «نَشٍيٍ قَ عِ رَ، عٍ نَ مِندٍن؟ مِشِ يٌ مُ لُ نَشَن عِ مَكِيتِمَ؟»

¹¹فِنّ نَشَ عَ يَابِ، «ﭑ مَرِفِ، مِشِ يٌ مُ لُ.» عِسَ نَشَ عَ قَلَ عَ بّ، «عَوَ، ﭑ قَن مُ عِ مَكِيتِمَ. سِفَ، عِ نَشَ يُنُبِ رَبَ سْنْن.»

¹²عِسَ مَن نَشَ وْيّنيِ تٌنفٌ، عَ عَ مَسٍن حَمَ بّ، «ﭑ تَن نَن نَ دُنِحَ نَءِيَلَنيِ رَ. نَشَن نَ بِرَ ﭑ قْشْ رَ، عَ مُ حّرّ مَ دِ مِ كُي مُكُ. كِسِ نَءِيَلَنيِ نَن يَنبَمَ نَ كَنيِ بّ.»

¹³نَ كُي، قَرِ سّنِيٍ نَشَ عَ قَلَ عَ بّ، «عِ نَ عِ يّتّ كَن نَن سٍيدٍ بَقٍ. عِ شَ سٍيدٍحْشْيَ مُ قِندِشِ نْندِ رَ.»