ଯୋହନଃ 8:1-13

¹ପ୍ରତ୍ୟୂଷେ ଯୀଶୁଃ ପନର୍ମନ୍ଦିରମ୍ ଆଗଚ୍ଛତ୍

²ତତଃ ସର୍ୱ୍ୱେଷୁ ଲୋକେଷୁ ତସ୍ୟ ସମୀପ ଆଗତେଷୁ ସ ଉପୱିଶ୍ୟ ତାନ୍ ଉପଦେଷ୍ଟୁମ୍ ଆରଭତ|

³ତଦା ଅଧ୍ୟାପକାଃ ଫିରୂଶିନଞ୍ଚ ୱ୍ୟଭିଚାରକର୍ମ୍ମଣି ଧୃତଂ ସ୍ତ୍ରିଯମେକାମ୍ ଆନିଯ ସର୍ୱ୍ୱେଷାଂ ମଧ୍ୟେ ସ୍ଥାପଯିତ୍ୱା ୱ୍ୟାହରନ୍

⁴ହେ ଗୁରୋ ଯୋଷିତମ୍ ଇମାଂ ୱ୍ୟଭିଚାରକର୍ମ୍ମ କୁର୍ୱ୍ୱାଣାଂ ଲୋକା ଧୃତୱନ୍ତଃ|

⁵ଏତାଦୃଶଲୋକାଃ ପାଷାଣାଘାତେନ ହନ୍ତୱ୍ୟା ଇତି ୱିଧିର୍ମୂସାୱ୍ୟୱସ୍ଥାଗ୍ରନ୍ଥେ ଲିଖିତୋସ୍ତି କିନ୍ତୁ ଭୱାନ୍ କିମାଦିଶତି?

⁶ତେ ତମପୱଦିତୁଂ ପରୀକ୍ଷାଭିପ୍ରାଯେଣ ୱାକ୍ୟମିଦମ୍ ଅପୃଚ୍ଛନ୍ କିନ୍ତୁ ସ ପ୍ରହ୍ୱୀଭୂଯ ଭୂମାୱଙ୍ଗଲ୍ୟା ଲେଖିତୁମ୍ ଆରଭତ|

⁷ତତସ୍ତୈଃ ପୁନଃ ପୁନଃ ପୃଷ୍ଟ ଉତ୍ଥାଯ କଥିତୱାନ୍ ଯୁଷ୍ମାକଂ ମଧ୍ୟେ ଯୋ ଜନୋ ନିରପରାଧୀ ସଏୱ ପ୍ରଥମମ୍ ଏନାଂ ପାଷାଣେନାହନ୍ତୁ|

⁸ପଶ୍ଚାତ୍ ସ ପୁନଶ୍ଚ ପ୍ରହ୍ୱୀଭୂଯ ଭୂମୌ ଲେଖିତୁମ୍ ଆରଭତ|

⁹ତାଂ କଥଂ ଶ୍ରୁତ୍ୱା ତେ ସ୍ୱସ୍ୱମନସି ପ୍ରବୋଧଂ ପ୍ରାପ୍ୟ ଜ୍ୟେଷ୍ଠାନୁକ୍ରମଂ ଏକୈକଶଃ ସର୍ୱ୍ୱେ ବହିରଗଚ୍ଛନ୍ ତତୋ ଯୀଶୁରେକାକୀ ତଯକ୍ତ୍ତୋଭୱତ୍ ମଧ୍ୟସ୍ଥାନେ ଦଣ୍ଡାଯମାନା ସା ଯୋଷା ଚ ସ୍ଥିତା|

¹⁰ତତ୍ପଶ୍ଚାଦ୍ ଯୀଶୁରୁତ୍ଥାଯ ତାଂ ୱନିତାଂ ୱିନା କମପ୍ୟପରଂ ନ ୱିଲୋକ୍ୟ ପୃଷ୍ଟୱାନ୍ ହେ ୱାମେ ତୱାପୱାଦକାଃ କୁତ୍ର? କୋପି ତ୍ୱାଂ କିଂ ନ ଦଣ୍ଡଯତି?

¹¹ସାୱଦତ୍ ହେ ମହେଚ୍ଛ କୋପି ନ ତଦା ଯୀଶୁରୱୋଚତ୍ ନାହମପି ଦଣ୍ଡଯାମି ଯାହି ପୁନଃ ପାପଂ ମାକାର୍ଷୀଃ|

¹²ତତୋ ଯୀଶୁଃ ପୁନରପି ଲୋକେଭ୍ୟ ଇତ୍ଥଂ କଥଯିତୁମ୍ ଆରଭତ ଜଗତୋହଂ ଜ୍ୟୋତିଃସ୍ୱରୂପୋ ଯଃ କଶ୍ଚିନ୍ ମତ୍ପଶ୍ଚାଦ ଗଚ୍ଛତି ସ ତିମିରେ ନ ଭ୍ରମିତ୍ୱା ଜୀୱନରୂପାଂ ଦୀପ୍ତିଂ ପ୍ରାପ୍ସ୍ୟତି|

¹³ତତଃ ଫିରୂଶିନୋଽୱାଦିଷୁସ୍ତ୍ୱଂ ସ୍ୱାର୍ଥେ ସ୍ୱଯଂ ସାକ୍ଷ୍ୟଂ ଦଦାସି ତସ୍ମାତ୍ ତୱ ସାକ୍ଷ୍ୟଂ ଗ୍ରାହ୍ୟଂ ନ ଭୱତି|