يَيَ 16:6-26

⁶ﭑ تٌ يِ قٍيٍ مَسٍنشِ وٌ بّ، نَ نَن وٌ بْحّ سُننُنشِ.

⁷كْنْ ﭑ شَ عَ قَلَ وٌ بّ عَ نْندِ كِ مَ، ﭑ مَ سِفّ نَن مُنَقَنيِ فبٌ وٌ بّ، بَرِ مَ شَ ﭑ مُ سِفَ، سَابُي قَنيِ مُ قَمَ وٌ مَ. كْنْ شَ ﭑ سِفَ، ﭑ عَ شّيمَ نّ وٌ مَ.

⁸عَ نَ قَ، عَ مِشِيٍ رَكٌلٌنمَ نّ يُنُبِ شَ قٍ رَ، تِنشِنيِ شَ قٍ رَ، نُن كِيتِ شَ قٍ رَ.

⁹عَ عٍ رَكٌلٌنمَ نّ يُنُبِ شَ قٍ رَ، بَرِ مَ عٍ مُ دَنشَنِيَشِ ﭑ مَ.

¹⁰عَ عٍ رَكٌلٌنمَ نّ تِنشِنيِ شَ قٍ رَ، بَرِ مَ ﭑ نَ سِفَقٍ بَبَ عَلَ يِرٍ، وٌ مُ ﭑ تٌمَ قَ.

¹¹عَ عٍ رَكٌلٌنمَ نّ كِيتِ شَ قٍ رَ، بَرِ مَ يِ دُنِحَ نَ نْلَ كٌبِ نَشَن يِ رَ، عَ حَن بَرَ مَكِيتِ.»

¹²«مَسٍنيِ فبّتّيٍ مَن نَ، كْنْ وٌ مُ نْمَ عٍ بِرِن قَهَامُدٍ يَكْسِ.

¹³عَلَ شَشِلِ نَ قَ وٌ مَ، عَ نَ نْندِ بِرِن يَ مَبْو مَ وٌ بّ. عَ شَ مَسٍنيِ مُ قَتَنشِ عَ يّتّ كَن نَ. عَ نَشَن مّمَ ﭑ بَبَ رَ، عَ نَ نَن مَسٍنمَ وٌ بّ. قٍ نَشٍيٍ قَمَ رَبَدٍ، عَ نٍيٍ نَن مَسٍنمَ وٌ بّ.

¹⁴عَ قَمَ ﭑ مَ شُننَكٍلِ مَكّنّندٍ، بَرِ مَ عَ نَشَن سْتْمَ ﭑ تَن نَ، عَ نَ نَن كَوَندِ مَ وٌ بّ.

¹⁵نَشَن بِرِن نَ بَبَ عَلَ يِ، عَ قِندِشِ ﭑ قَن فبٍ نَن نَ. ﭑ عَ قَلَ نَ نَن مَ، ‹عَ نَشَن سْتْمَ ﭑ تَن نَ، عَ نَ نَن كَوَندِ مَ وٌ بّ.›»

¹⁶عِسَ مَن نَشَ عَ قَلَ عٍ بّ، «وَشَتِ دِ نَن لُشِ بٍينُن ﭑ شَ لْي وٌ مَ، كْنْ وَشَتِ دِ مَن نَ دَنفِ، وٌ مَن ﭑ تٌمَ نّ.»

¹⁷عَ قْشِرَبِرّيٍ نَشَ عٍ بٌرٍ مَشْرِن، «عِسَ وَ مَ مُنسٍ قَلَقٍ يِ كِ، ‹عَ فبٍ مُ لُشِ ﭑ شَ لْي وٌ مَ دٌندٌرٌنتِ، كْنْ وٌ مَن قَمَ ﭑ تٌدٍ.› عَ شَ وْيّنيِ نَ دِ عَ تٌ عَ قَلَشِ، ‹ﭑ نَ سِفَقٍ بَبَ عَلَ يِرٍ؟›»

¹⁸عٍ مَن نُ عٍ بٌرٍ مَشْرِنقٍ، «عَ مُنسٍ مَ، عَ ‹وَشَتِ دِ›؟ وٌن تَن مُ عَ كٌلٌن عَ سٍسٍ قَلَقٍ يِ كِ.»

¹⁹عِسَ تٌ عَ كٌلٌن عَ عٍ نُ وَ مَ عَ مَشْرِنقٍ، عَ نَشَ عَ مَسٍن عٍ بّ، «ﭑ تٌ عَ قَلَشِ، ‹وَشَتِ دِ نَن لُشِ بٍينُن ﭑ شَ لْي وٌ مَ، كْنْ وَشَتِ دِ مَن نَ دَنفِ، وٌ مَن ﭑ تٌمَ نّ،› وٌ وٌ بٌرٍ مَشْرِنقٍ نَ نَن مَ؟

²⁰ﭑ شَ عَ قَلَ وٌ بّ عَ نْندِ كِ مَ، وٌ وَ مَ نّ، وٌ فبٍلٍفبٍلٍ، كْنْ دُنِحَ تَن حّلّشِنمَ نّ. وٌ سُننُنمَ نّ نَ قٍ مَ، كْنْ وٌ شَ سُننُنيِ قَمَ مَسَرَدٍ سّيوّ رَ.

²¹فِنّ نَشَن نَ دِتِنيِ رَ، عَ تْورْ مَ نّ كِ قَنيِ عَ شَ وَشَتِ تٌ بَرَ عَ لِ. كْنْ شَ عَ فّ دِ بَرِدٍ، عَ حَن مُ رَتُمَ نَ تْورّ مَ، عَ تٌ سّيوَشِ دِ نّينّ بَرِقٍ رَ دُنِحَ.

²²نَ كُي، وٌ قَن نَ سُننُنيِ نَن كُي يِ وَشَتِ مَ. كْنْ ﭑ فبِلٍنمَ نّ وٌ تٌ رَ، وٌ بْحّ سّيوَ، مِشِ يٌ مُ نَ سّيوّ بَمَ وٌ يِ.

²³نَ لْشْي نَ عَ لِ، وٌ مُ ﭑ مَشْرِنمَ سٍسٍ مَ سْنْن. ﭑ شَ عَ قَلَ وٌ بّ عَ نْندِ كِ مَ، وٌ نَ بَبَ عَلَ مَشَندِ قٍقٍ مَ ﭑ شِلِ رَ، عَ عَ سٌمَ نّ وٌ يِ.

²⁴هَن يَ، وٌ سِنفٍ مُ نُ عَلَ مَشَندِ قٍقٍ مَ ﭑ تَن شِلِ رَ. وٌ مَشَندِ تِ. وٌ عَ سْتْمَ نّ، عَلَكٌ وٌ شَ سّيوَ عَ كَمَلِشِ رَ.»

²⁵«ﭑ يِ قٍ بِرِن مَسٍنشِ وٌ بّ تَالِ وْيّنيِ نَن نَ، كْنْ وَشَتِ نَ قَقٍ، ﭑ مُ وْيّنمَ وٌ بّ تَالِ وْيّنيِ رَ سْنْن، ﭑ بَبَ عَلَ شَ قٍ مَسٍن وٌ بّ عَ قِيشّ رَ.

²⁶نَ وَشَتِ مَ، وٌ بَبَ عَلَ مَشَندِ مَ ﭑ شِلِ نَن نَ. ﭑ مُ عَ قَلَقٍ شّ دٍ، عَ ﭑ تَن نَن بَبَ عَلَ مَشَندِ مَ وٌ بّ،