يَبُرَ 9:9-18

⁹عَ دُنِحَ مَكِيتِمَ تِنشِنيِ كُي، عَ دْشْشِ سِيٍ شُن مَ تِنشِنيِ كُي.

¹⁰تْورْ مِشِيٍ كَنتَمَ نَن نَ عَلَتَلَ رَ، عٍ رَتَنفَمَ نَ عَ تَن نَن نَ عٍ شَ كْنتْقِلِيٍ كُي.

¹¹عَلَتَلَ، عِ كٌلٌنمَ لَشِ عِ رَ، بَرِ مَ عِ سِنفٍ مُ نُ عِ قٍنمَ رَبٌلٌ.

¹²عَلَتَلَ دْشْشِ عَ شَ فٍيَ سّنِيّنشِ شُن، وٌن شَ عَ تَنتُ بّيتِيٍ رَ. عَ بَرَ قٍ نَشٍيٍ رَبَ، وٌن شَ نٍيٍ مَسٍن سِ بِرِن بّ.

¹³عَلَ رَتُشِ وُلِ قِلِشِ مَ، عَ قَن نَ حْشْمَ نّ. عَ تْورْ مِشِيٍ وَ شُي دَنشُنشِ.

¹⁴عَلَتَلَ، كِنِكِنِ ﭑ مَ. عِ شَ ﭑ مَتٌ. عَ مَتٌ ﭑ يَشُييٍ نَ ﭑ تْورْقٍ كِ نَشّ. عِ تَن نَشَن ﭑ نَكِسِمَ سَيَ كِرَ مَ،

¹⁵عَلَكٌ ﭑ شَ عِ تَنتُ سِيٌنِ حَمَ تَفِ، ﭑ شَ سّيوَ عِ شَ كِسِ رَ.

¹⁶سِيٍ نُ فَنتَنيِ نَشَن تٍشِ عٍ يَشُييٍ بّ، عٍ بَرَ عٍ يّتّ سَنيِيٍ سُشُ عَ رَ.

¹⁷عَلَتَلَ كٌلٌنشِ عَ شَ تِنشِنيِ نَن مَ. تِنشِنتَرٍيٍ سُشُمَ عٍ يّتّ بّلّشّ قْشِ نَن سَابُي رَ.

¹⁸مَتَندِلَ نَشٍيٍ نّيمُمَ عَلَ مَ، عٍ بِرِن نَحْنمَ عَلِفِيَمَ نّ.