يَبُرَ 94:4-23

⁴عَ لَنمَ مِشِ حَاشِيٍ شَ عٍ يّتّ مَتْشْ تُن عٍ شَ يّتّ عِفبٌحَ كُي؟

⁵عَلَتَلَ، عٍ عِ شَ حَمَ تْورْ مَ، عٍ عِ شَ مِشِيٍ هَلَكِمَ.

⁶عٍ كَاحّ فِنّيٍ نُن شْحّ قَشَمَ، عٍ كِرِدِيٍ نِي بَمَ.

⁷عٍ نُ قَ عَ قَلَ، «عَلَتَلَ مُ يِ قٍيٍ تٌمَ، يَشُبَ مَرِفِ عَلَ مُ يِ رَكْرْ سِمَ.»

⁸وٌ تَن شَشِلِتَرٍيٍ، نَشٍيٍ لُمَ حَمَ تَفِ، وٌ شَشِلِ سْتْمَ مُن تّمُي؟

⁹نَشَن تُلِ دَاشِ، نَ لُمَ عَ مُ قٍ مّ؟ نَشَن يَ دَاشِ، نَ لُمَ عَ مُ سٍ تٌ؟

¹⁰نَشَن حَمَنّيٍ شُرُ مَ، نَ مُ عٍ حَشَنكَتَمَ؟ عَ تَن نَن شَشِلِ قِمَ عِبُنَدَ مَ مَ.

¹¹عَلَتَلَ عَ كٌلٌن عَ عَدَ مَدِيٍ شَ مَحْشُنيِيٍ نَ نّ قُقَقُ.

¹²عَلَتَلَ، سّيوّ نَ مِشِ بّ عِ نَشَن مَتِنشِنمَ، عِ نَشَن مَتِنشِنمَ عِ شَ سّرِيّ رَ،

¹³عَلَكٌ عَ شَشِلِ شَ سَ تْورّ لْشْييٍ، هَن مِشِ حَاشِيٍ عٍ فبٍ حَشَنكَتّ سْتْمَ تّمُي نَشّ.

¹⁴عَلَتَلَ مُ عَ شَ حَمَ رَبٌلٌمَ، عَ مُ عَ شَ مِشِيٍ رَبّحِنمَ.

¹⁵كِيتِ تِنشِنشِ قَمَ نّ سَدٍ، تِنشِنتْييٍ بْحّ بِرَ مَ نّ نَ قْشْ رَ.

¹⁶ندٍ ﭑ شُن مَقَلَمَ مِشِ حَاشِيٍ شْن مَ؟ ندٍ تِمَ ﭑ بّ مِشِ كٌبِيٍ شِلِ مَ؟

¹⁷شَ ﭑ مَرِفِ مُ قِندِ ﭑ مَلِمَ رَ نُ، ﭑ مَ قٍ دَنمَ نّ فَبُرِ كُي نُ.

¹⁸ﭑ مَرِفِ، ﭑ نَ مَحْشُن عَ ﭑ سَنيِ مُ تِمَ سْنْن، عِ شَ دُفُتّفّحَ ﭑ دّ مّنمَ.

¹⁹ﭑ مَ كْنتْقِلِيٍ نَ وُيَ، عِ عٍ بَمَ ﭑ مَ، عِ قَ ﭑ نَسّيوَ.

²⁰عِ نْمَ تِندٍ مَنفّيَ تِنشِنتَرٍ رَ، نَشَن يَامَرِ تِمَ قٍ كٌبِ رَ؟

²¹عٍ كَقُمَ عٍ بٌرٍ مَ تِنشِنتْي قَشَقٍ رَ، عٍ مِشِ تْوحّفّ كِيتِ كُي.

²²كْنْ مَرِفِ نَن نَ ﭑ كَنتَمَ رَ، عَ لُمَ عَلْ قَنيٍ ﭑ سَبَتِمَ نَشَن قَرِ.

²³عَ عٍ شَ وَلِ كٌبِيٍ رَفبِلٍنمَ نّ عٍ مَ، عَ عٍ شُن نَكَنَ عٍ شَ حَاشُحَ رَ. مُشُ مَرِفِ عَلَ عٍ سْنتْمَ نّ.