يَبُرَ 71:3-18

³عِ شَ ﭑ كَنتَ. عِ بَرَ عَ قَلَ ﭑ بّ ﭑ شَ لُ عِ شَ نِينِ بُن مَ تّمُي بِرِن، عَلَكٌ ﭑ شَ كِسِ. ﭑ كَنتَمَ نَ عِ تَن نَن نَ.

⁴ﭑ مَرِفِ عَلَ، ﭑ نَتَنفَ مِشِ حَاشِيٍ سّنبّ مَ، ﭑ نَتَنفَ شْننَنتٍ تِنشِنتَرٍيٍ مَ.

⁵ﭑ مَرِفِ عَلَتَلَ، ﭑ شَشِلِ تِشِ عِ تَن نَن نَ كَبِ ﭑ دِ مّدِ تّمُي،

⁶كَبِ ﭑ نُ نَ ﭑ نفَ تّيفّ عِ. عِ تَن نَن عَ نِيَ ﭑ شَ بَرِ. ﭑ عِ مَتْشْمَ تّمُي بِرِن.

⁷ﭑ قِندِشِ مِسَالِ نَن نَ مِشِ وُيَشِ بّ، بَرِ مَ ﭑ كَنتَمَ سّنبّمَ نَ عِ تَن نَن نَ.

⁸ﭑ عِ مَتْشْمَ تّمُي بِرِن.

⁹عِ نَشَ مّي ﭑ نَ ﭑ مَ قٌرِحَ كُي، عِ نَشَ ﭑ نَبّحِن ﭑ مَ سّنبّتَرٍيَ كُي.

¹⁰ﭑ يَشُييٍ ﭑ مَقَلَمَ، عٍ وْيّنمَ عٍ بٌرَ رَ عَلَكٌ عٍ شَ ﭑ قَشَ.

¹¹عٍ نَشّ، «عَلَ بَرَ عَ رَبٌلٌ، وٌن شَ بِرَ عَ قْشْ رَ، وٌن شَ عَ سُشُ. مِشِ يٌ مُ نْمَ عَ رَتَنفَدٍ.»

¹²عَلَ، عِ نَشَ عِ مَكُيَ ﭑ نَ. ﭑ مَرِفِ عَلَ، قَ ﭑ مَلِ مَقُرٍن.

¹³عَلَ شَ عٍ رَيَافِ، عَ شَ عٍ رَحْن، نَشٍيٍ ﭑ تْوحّفّمَ. عَلَ شَ عٍ رَيَافِ، عَ شَ عٍ يَ عِقُ، نَشٍيٍ وَ مَ ﭑ تْورْقٍ.

¹⁴ﭑ شَشِلِ تِشِ عِ رَ كُدّ عِ. ﭑ لُمَ عِ مَتْشْ رَ تّمُي بِرِن.

¹⁵ﭑ عِ شَ تِنشِنيِ نُن عِ شَ كِسِ تَنتُمَ لْشْي بِرِن، بَرِ مَ عٍ وُيَ هَن ﭑ حَن مُ نْمَ عٍ بِرِن كٌلٌندٍ.

¹⁶ﭑ عِ شَ كَابَنَكٌ رَبَشِيٍ مَتْشْمَ نّ. ﭑ مَرِفِ عَلَتَلَ، ﭑ قَمَ عِ شَ تِنشِنيِ فبَنسَن مَسٍندٍ.

¹⁷عَلَ، عِ نَ ﭑ شَرَنقٍ كَبِ ﭑ دِ مّدِ تّمُي. هَن يَ ﭑ عِ شَ كَابَنَكٌي مَتْشْمَ.

¹⁸عَلَ، عِ نَشَ ﭑ نَبّحِن يَكْسِ، ﭑ بَرَ قٌرِ، ﭑ شُنسّشّ قَن بَرَ قُفَ. عِ نَشَ ﭑ نَبّحِن عَلَكٌ ﭑ شَ عِ سّنبّ مَسٍن تٌ نُن تِنَ مِشِيٍ بّ.