يَبُرَ 46:4-10

⁴شَ مْرْنيِيٍ سَ شَاحّ، وٌن مُ فَاشُمَ. شَ فٍيَ سَ عَ عِمَشَ، عَ سّرّن، وٌن مُ فَاشُمَ.

⁵شُرٍ نَن عَ رَ، نَشَن سَلٌنيِيٍ عَلَ شَ تَا رَ سّيوَ مَ. عَلَ شِلِ شُنفبٍ كَنيِ شَ هْرْ مْلِنفِرَ سّنِيّنشِ نَ مّننِ نّ.

⁶عَلَ نَ نَ تَا كُي، نَ تَا مُ عَ رَ مَشَمَ، عَ عَ مَلِمَ سُبَشّ نّقّ عَ لِ.

⁷سِيٍ سْنشْي رَتٍمَ، مَنفّيَيٍ بِرَ مَ نّ. عَلَ نّقّ عَ شُي رَ مِنِ، دُنِحَ بِرِن شُنُنمَ نّ.

⁸مَنفّ عَلَتَلَ نَ وٌن سّيتِ مَ. وٌن مَ كَنتَرِ نَ يَشُبَ مَرِفِ عَلَ يِ رَ.

⁹وٌ قَ عَلَتَلَ شَ وَلِ مَتٌ، عَ فبَلٌي نَشَن لُشِ بْشِ مَ.

¹⁰عَ تَن نَن فٍرٍ حْنمَ دُنِحَ بِرِن مَ. عَ شَلِ فِرَ مَ نّ. عَ تَنبّ كَنَمَ نّ، عَ مَكَنتَسٍ فَن.