يَبُرَ 45:4-10

⁴عِ شَ عِ شَ سَنتِدّفّمَ شِرِ عِ تَفِ، عَلَكٌ عِ شَ شُننَكٍلِ نُن عِ شَ بِنيّ شَ كٌلٌن. سْورِ سّنبّمَ نَن عِ رَ.

⁵عِ سّنبّ فبٌ. تٍ عِ شَ سْورِ رَفِسٍ قَرِ، نْندِ، مَفٌرٌي، نُن تِنشِنيِ شَ قٍ رَ. عِ شَ قٍ شُنفبٍ رَبَ.

⁶عِ شَ تَنبّيٍ مَفَاشُ. عٍ قَمَ عِ يَشُييٍ سٌندٌنيِ سْشْدٍ، سِيٍ بِرَ مَ نّ عِ سَنيِيٍ بُن.

⁷«عَلَ، عِ شَ مَنفّ كِبَنيِ بُمَ نّ عَبَدَن. تِنشِنيِ نَن قِندِشِ عِ شَ مَنفّيَ تْنشُمَ رَ.»

⁸تِنشِنيِ نَن نَقَن عِ مَ. حَاشُيحَ مُ رَقَن عِ مَ قٍقٍ مَ. نَ نَن عَ تٌشِ عِ مَرِفِ عَلَ بَرَ عِ سُفَندِ سّيوّ كُي. قِسَمَنتٍ نَن عِ رَ دَنفِقٍ عِ بٌورٍيٍ رَ.

⁹لَبُندّ نُن سٍ شِرِ حْشُنمّ نَ عِ شَ دُفِ مَ. شُلُنيِ تِمَ عِ شَ مَنفّ بَنشِ تٌقَنيِ كُي. كْرَيٍ حّلّشِنيِ شُي رَ مِنِمَ عِ بّ.

¹⁰مَنفّيٍ شَ دِ فِنّيٍ لُمَ عِ سّيتِ مَ، عِ شَ فِنّ قَن نَ عِ قّ مَ، عَ مَشِرِشِ شّيمَ تٌقَنيِ رَ.