يَبُرَ 38:4-20

⁴يَلَنيِ يٌ مُ نَ ﭑ بّ عِ شَ شْنّ كُي. ﭑ مَ يُنُبِ بَرَ عَ نِيَ ﭑ قَتٍ بِرِن شَ تْورْ.

⁵ﭑ مَ يُنُبِيٍ بَرَ فبٌ ﭑ شُن مَ. نَ كٌتٍ بَرَ بِنيَ، ﭑ مُ عَ نْمَ سْنْن.

⁶ﭑ مَ قِيٍ بَرَ فبٌ، عٍ شِرِ بَرَ حَاشُ. نَ بِرِن قَتَنشِ ﭑ مَ شَشِلِتَرٍحَ نَن نَ.

⁷ﭑ بْحّ بَرَ كَنَ، شُننَكٍلِ مُ نَ ﭑ بّ. ﭑ لُمَ قّيحّن نَ سُننُنيِ نَن كُي.

⁸ﭑ قَتٍ بِرِن وٌلٍنشِ، يَلَنيِ يٌ مُ نَ سْنْن.

⁹ﭑ سّنبّ بَرَ كَنَ، ﭑ قَتٍ بِرِن بَرَ بَ ﭑ مَ. ﭑ بْحّ تْورْشِ تُن.

¹⁰ﭑ مَرِفِ، عِ ﭑ وَشْنقٍ كٌلٌن، ﭑ مَ تْورّ مُ نْشُنشِ عِ مَ.

¹¹ﭑ بْحّ مُ سَشِ، ﭑ سّنبّ بَرَ حْن. ﭑ يَ مُ نَءِيَلَنيِ تٌمَ سْنْن.

¹²ﭑ شَنُنتٍنيِيٍ نُن ﭑ بٌورٍيٍ بَرَ كٍلِ ﭑ شُن مَ ﭑ مَ قُرٍ شَ قٍ رَ، ﭑ نفَشَكٍرٍنيِيٍ بَرَ عٍ مَكُيَ ﭑ نَ.

¹³نَشٍيٍ وَ مَ ﭑ قَشَقٍ، عٍ بَرَ يّلّ عِتَلَ ﭑ يَ رَ. نَشٍيٍ وَ مَ ﭑ تْورْقٍ، عٍ بَرَ ﭑ كٌنبِ، عٍ ﭑ تْوحّفّمَ تّمُي بِرِن.

¹⁴كْنْ ﭑ مُ ﭑ تُلِ مَتِ نَ وْيّنيِيٍ رَ، ﭑ مُ ﭑ دّ رَبِ ﭑ شَ عٍ يَابِ.

¹⁵ﭑ لُمَ عَلْ تُلِ شْرِ، ﭑ لُمَ عَلْ بٌبٌي.

¹⁶عَلَتَلَ، ﭑ شَشِلِ تِشِ عِ تَن نَن نَ. ﭑ مَرِفِ عَلَ، عِ تَن نَن فبَنسَن نْمَ ﭑ يَابِدٍ.

¹⁷ﭑ نَشّ، «عِ نَشَ تِن ﭑ يَشُييٍ شَ يٌ ﭑ مَ، عٍ شَ حّلّشِن ﭑ مَ تْورّ شَ قٍ رَ.»

¹⁸عَ فبٍ مُ لُشِ ﭑ شَ بِرَ، ﭑ نَ تْورْقٍ تّمُي بِرِن.

¹⁹ﭑ بَرَ ﭑ تِ ﭑ مَ يُنُبِ رَبَشِيٍ رَ، ﭑ يَنفٌي نَشٍيٍ رَبَشِ، نَ قٍ بَرَ ﭑ كْنتْقِلِ.

²⁰ﭑ يَشُييٍ تَن كّندّ، عٍ سّنبّ فبٌ. ﭑ شْنمِشِيٍ بَرَ وُيَ، هَلِ نْندِ مُ نَ عٍ بّ.