4Ma mɛ dáamavĩo n kpɛ̃nɛ yã́i, ma wá aafiao ma duuna yã́i.
5Ma tàaeↄ dàmala, aa tↄ̃̀a lán aso gbiawa.
6Ma bↄↄ lì fↄ̃na ũ, aa yaikɛ̀ ma sↄũkɛ yã́i.
7Má kooa ma gↄ̃ dↄ̀lↄlↄ, miↄ bɛ oosisiaɛ gↄↄpii.
8Ma wó lɛ́ wí sĩana, ma mɛ dáamavĩo.
9Má yɛ̃̀ɛɛ vĩo, ma mɛ kɛ̀ múɛmuɛ, málɛ wiilɛ ma sↄ̃̀ pusubↄa yã́i.
10Dii, ń pↄ́ pↄ́ má yei dↄ̃ píi, ni ma wea fɛ̀ɛɛ ma sã́asã.
11Ma sↄ̃ lɛ́ vĩ gbò gbò, ma gbãa yã̀a, ma wɛ́ lɛ́ tɛkɛ lↄo.
12Ma gbɛ̃naↄ ń ma gbɛ̃́ↄ ì ɛ̃mɛɛɛ, ma daɛↄ ì zɛmɛɛ zã̀zã ma bↄ yã́i.
13Gbɛ̃́ pↄ́ ye ma kaikɛↄ ì ma pá, ma wɛnaↄ ì vãikpaaĩmanↄ, aaìↄ mↄafiliyã gwa ń kↄ̃o gↄↄpii.
14Ma gↄ̃ lán swãdowa, mili yãmao, ma gↄ̃ lán lɛ́nanaalɛadewa, mili lɛwɛ̃aao.
15Má dɛ lán gbɛ̃́ pↄ́ lí yãmaowa, mili yã́zãsimáo.
16Dii, ḿmɛ ma wɛ́ dↄnzi, ńyↄ̃ ma yãma, Dii ma Lua.
17Ma mɛ̀ ńsu to aa tidↄmalao, ńsu to aa ĩ́anadã ma tiia guwa yã́io.
18Ma ka lɛ́lɛa, miↄ ku yã'ↄ̃mauɛ gↄↄpii.
19Má a yãvãiↄ siunɛ sa, asa ma duuna yã́i ma pↄ yaa.
20Ma ibɛɛↄ gbãa mɛ́ aa aafia, gbɛ̃́ pↄ́ zamagu pãↄ dasi.
Soũↄ 38
Soũↄ 38:4-20