Text copied!
CopyCompare
سٌسٌ كِتَابُييٍ؛ تَوُرٍتَ، يَبُرَ، عِنيِلَ - يَبُرَ - يَبُرَ 34

يَبُرَ 34:1-21

Help us?
Click on verse(s) to share them!
1دَوُدَ تٌ عَ يّتّ قِندِ دَشُي رَ عَبِمٍلٍكِ يَ عِ عَلَكٌ عَ شَ عَ بّحِن، عَ نَشَ يِ بّيتِ سّبّ.
2ﭑ عَلَتَلَ تَنتُمَ وَشَتِ بِرِن. عَ شَ مَتْشْي مُ بَمَ ﭑ دّ عِ.
3ﭑ عَلَتَلَ مَتْشْمَ ﭑ بْحّ كُي. تْورْ مِشِيٍ قَمَ نّ نَ مّدٍ، عٍ قَ سّيوَ.
4وٌن بِرِن شَ عَلَتَلَ بِنيَ، وٌن شَ عَ شِلِ مَتْشْ.
5ﭑ تٌ عَلَتَلَ مَشَندِ، عَ نَشَ ﭑ يَابِ، عَ ﭑ مَ فَاشُي بِرِن بَ ﭑ يِ.
6نَشَن نَ عَ يَ تِ عَلَ رَ، عَ سّيوَ مَ نّ، عَ مُ يَافِمَ.
7شَ تْورْ مِشِ عَ شُي رَ مِنِ، عَلَتَلَ عَ مّمَ نّ، عَ قَ عَ رَكِسِ عَ شَ تْورّ كُي.
8عَلَتَلَ شَ مَلٍكّ عَلَ يَرَفَاشُييٍ رَبِلِنمَ نّ، عَ عٍ كَنتَ.
9وٌ عَ مَتٌ، عَلَتَلَ قَن دٍ! حّلّشِنيِ نَ عَدَ مَ بّ نَشَن شَشِلِ تِشِ عَ رَ.
10سّنِيّنتْييٍ، وٌ شَ فَاشُ عَلَتَلَ يَ رَ، عَلَكٌ وٌ هَيِ بِرِن شَ قَن.
11كَامّ يّتّيٍ سُشُمَ نّ، كْنْ عَلَتَلَ قٍنمَيٍ هَيِ بِرِن قَنمَ نّ.
12ﭑ مَ دِيٍ، وٌ قَ، وٌ شَ قَ وٌ تُلِ مَتِ ﭑ نَ. ﭑ شَ عَلَتَلَ يَرَفَاشُي مَسٍن وٌ بّ.
13ندٍ وَ مَ سِمَيَ شْنكُيٍ شْن؟ ندٍ وَ مَ لُقٍ سّيوّ كُي تّمُي بِرِن؟
14شَ وٌ وَ مَ نَ شْن، وْيّن حَاشِيٍ نَشَ مِنِ وٌ دّ عِ، وٌ نَشَ وُلٍ يٌ قَلَ.
15وٌ شَ قٍ حَاشِ لُ نَ، وٌ شَ قٍ قَنيِ رَبَ. وٌ شَ وٌ تُننَبّشِ بْحّسَ قٍنقٍ رَ.
16عَلَتَلَ تِنشِنتْييٍ تٌمَ نّ، عَ عَ تُلِ مَتِمَ عٍ وَ شُي رَ.
17عَلَتَلَ عَ كٌبٍ سٌمَ قٍ كٌبِ رَبَيٍ رَ، عَلَكٌ عٍ شِلِ شَ نّيمُ دُنِحَ رَ.
18تِنشِنتْييٍ نَ عٍ مَوَ عَلَتَلَ بّ، عَ عَ تُلِ مَتِمَ نّ عٍ رَ، عَ عٍ بَ عٍ شَ تْورّيٍ كُي.
19عَلَتَلَ لُمَ مِشِ قّ مَ نَشَن سُننُنشِ عَ بْحّ مَ، عَ مِشِ رَكِسِمَ نَشَن شَشِلِ بَرَ عِقُ.
20تْورّ فبٍفبٍ تِنشِنتْي لِمَ نّ، كْنْ عَلَتَلَ عَ رَكِسِمَ نَ بِرِن مَ.
21عَلَتَلَ مّينِمَ نّ عَ مَ، سٍسٍ مُ عَ تٌمَ.

Read يَبُرَ 34يَبُرَ 34
Compare يَبُرَ 34:1-21يَبُرَ 34:1-21