يَبُرَ 31:7-24

⁷كُيٍ بَتُي مُ رَقَن ﭑ مَ، ﭑ تَن، نَن ﭑ تَشُمَ عَلَتَلَ نَن نَ.

⁸ﭑ سّيوَ مَ نّ عِ شَ هِننّ شَ قٍ رَ، بَرِ مَ عِ بَرَ ﭑ مَ تْورّيٍ تٌ، ﭑ سٌندٌنيِ نَ حَشَنكَتَ، عِ نَ كٌلٌن.

⁹عِ مُ ﭑ سٌشِ ﭑ يَشُييٍ يِ رَ، عِ بَرَ ﭑ شْرّيَ.

¹⁰عَلَتَلَ، هِننّ ﭑ نَ، بَرِ مَ ﭑ نَ تْورْقٍ. ﭑ قَتٍ بِرِن بَرَ بَ ﭑ مَ.

¹¹ﭑ مَ سِمَيَ نَ حْنقٍ تْورّ كُي. ﭑ مَ دُنِحّءِفِرِ شْرْشْ. ﭑ سّنبّ بَرَ حْن ﭑ مَ يُنُبِ شَ قٍ رَ. ﭑ قَتٍ بَرَ كَنَ

¹²ﭑ يَشُييٍ شَ قٍ رَ. ﭑ بَرَ يَافِ ﭑ دْشْبٌورٍيٍ شْن مَ. ﭑ بٌورٍيٍ، شَ نَ مُ عَ رَ نَشٍيٍ ﭑ تٌمَ تَا كُي، عٍ عٍ فِمَ نّ ﭑ مَ.

¹³عٍ بِرِن بَرَ نّيمُ ﭑ مَ عَلْ ﭑ حَن بَرَ قَشَ. ﭑ لُشِ عَلْ سٍ لْيشِ.

¹⁴ﭑ بَرَ ﭑ يَشُييٍ شُي مّ. فبَلٌي نَ ﭑ نَبِلِنيِ. عٍ بَرَ لَن عَ مَ عٍ شَ ﭑ قَشَ.

¹⁵كْنْ ﭑ تَن بَرَ ﭑ تَشُ عِ رَ، عِ تَن ﭑ مَرِفِ عَلَتَلَ.

¹⁶ﭑ نَ عِ سَفٌي. ﭑ نَتَنفَ ﭑ يَشُييٍ مَ نَشٍيٍ وَ مَ ﭑ حَشَنكَتَقٍ.

¹⁷عِ شَ عِ شَ كٌنيِ تٌ، ﭑ نَكِسِ عِ شَ هِننّ رَ.

¹⁸عَلَتَلَ، ﭑ نَ عِ شِلِ، عِ نَشَ ﭑ لُ يَافِ كُي. عَلَ شَ مِشِ حَاشِيٍ رَيَافِ، عَلَ شَ عٍ رَ سَبَرِ قَشّ رَ.

¹⁹عَلَ شَ عٍ شُي رَدُندُ، بَرِ مَ يِ وُلٍ قَلّيٍ عٍ يّتّ عِفبٌمَ، عٍ يٌ تِنشِنتْييٍ مَ.

²⁰عِ شَ هِننّ فبٌ، عِ نَشَن نَفَتَشِ عِ يَرَفَاشُييٍ بّ، نَشٍيٍ عِ شَ كَنتَرِ قٍنمَ.

²¹عِ بَرَ عٍ يِفِيَ عَلَكٌ قٍ كٌبِ رَبَيٍ نَشَ عٍ سُشُ. عِ بَرَ عٍ رَتَنفَ وُلٍ قَلّيٍ مَ.

²²عَلَتَلَ تَنتُ، بَرِ مَ عَ بَرَ هِننّ ﭑ نَ ﭑ مَ تْورّ كُي.

²³ﭑ مَ فَاشُي كُي، ﭑ نُ بَرَ عَ قَلَ، «عِ بَرَ عِ نْشُن ﭑ مَ،» كْنْ عِ بَرَ ﭑ مَ مَشَندِ سُشُ.

²⁴دَنشَنِيَتْييٍ، وٌ شَ عَلَتَلَ شَنُ. عَلَتَلَ تٌفٌندِيَتْييٍ رَكِسِمَ نّ، كْنْ عَ يّتّ عِفبٌي حَشَنكَتَمَ نّ.