11عَلَتَلَ، ﭑ مَ يُنُبِيٍ شَقَرِ عِ شِلِ شَ قٍ رَ، بَرِ مَ عٍ مُ شُرُن.
12ندٍ فَاشُمَ عَلَتَلَ يَ رَ؟ عَلَتَلَ كِرَ مَسٍنمَ نَ كَنيِ بّ عَ لَنمَ عَ شَ حّرّ نَشَن مَ.
13عَ عَلِفِيَمَ لِمَ نّ سّيوّ كُي. عَ بْنسْي قَن قَمَ سَبَتِدٍ يِ بْشِ مَ.
14عَلَتَلَ عَ شَ فُندٌ مَسٍنمَ مِشِيٍ بّ، نَشٍيٍ فَاشُ عَ يَ رَ. عَ عَ شَ سَاتّ مَسٍنمَ نّ عٍ بّ.
15ﭑ شَشِلِ تِشِ عَلَتَلَ رَ لْشْي بِرِن بَرِ مَ عَ تَن نَن ﭑ نَتَنفَمَ قٍ حَاشِ مَ.
16عَلَتَلَ، يَندِ، هِننّ ﭑ نَ، بَرِ مَ تْورْ مِشِ نَن ﭑ نَ، ﭑ مَلِمَ قَن مُ نَ.
17ﭑ بْحّ بَرَ تْورْ. ﭑ نَمِنِ نَ تْورّ كُي.
18عِ يَ رَ سِفَ ﭑ مَ سُننُنيِ نُن ﭑ مَ حَشَنكَتّ مَ، عِ شَ دِحّ ﭑ مَ يُنُبِ بِرِن مَ.
19عِ شَ عَ مَتٌ ﭑ يَشُييٍ وُيَشِ كِ نَشّ. عٍ ﭑ شْنشِ عَ حَاشِ رَ.
20ﭑ نِي مَكَنتَ، عِ شَ ﭑ نَتَنفَ، عَلَكٌ يَافِ نَشَ ﭑ سْتْ عِ شَ نِينِ بُن مَ.
21سّرِيّ نُن تِنشِنيِ شَ ﭑ كَنتَ بَرِ مَ ﭑ شَشِلِ تِشِ عِ تَن نَ.
22عَلَ، عِسِرَيِلَ شُنسَرَ عَ شَ تْورّ بِرِن مَ.
يَبُرَ 25
يَبُرَ 25:11-22