يَبُرَ 18:9-47

⁹عَ شَ شْنّ نَشَ لُ عَلْ تُورِ نَشَن تٍمَ، عَلْ تّ نَشَن مِنِمَ عَ دّ عِ، عَلْ تّ وٌلٍ دّشّشِ.

¹⁰عَلَ نَشَ كُيٍ عِبْو قِرِن نَ، عَ فٌرٌ، عَ سَنيِيٍ تِشِ نُشُي عِقْورْشِ قَرِ.

¹¹عَ تِ مَلٍكّ شُن مَ، عَ حّرّ كٌورٍ مَ قٌيٍ قَرِ.

¹²عَ عَ نْشُن دِ مِ كُي، تُنّ نُن نُشُي عِقْورْشِيٍ تَفِ.

¹³سٍيَمَكْنيِ نَشَ مِنِ عَ يَ رَ نُشُييٍ كُي. بَلَبَلَنيِ نُن تّ نَشَ فٌرٌ.

¹⁴عَلَتَلَ شُي نَشَ لُ عَلْ فَلَنيِ كٍلِقٍ كٌورٍ، عَلَ شِلِ شُنفبٍ كَنيِ نَشَ عَ شُي رَ مِنِ، بَلَبَلَنيِ نُن تّ قَن نَشَ فٌرٌ.

¹⁵عَ نَشَ عَ شَ تَنبّيٍ وٌلِ، عَ عَ يَشُييٍ رَيٍنسٍن سٍيَمَكْنيِ يَ رَ.

¹⁶بَا نُن بْشِ نَشَ رَبِ عَلَتَلَ شَ شْنّ يَ رَ.

¹⁷عَلَتَلَ نَشَ ﭑ سُشُ كٍلِقٍ كٌورٍ مَ، عَ ﭑ بَ يٍ شْورَ.

¹⁸عَ نَشَ ﭑ نَتَنفَ ﭑ يَشُي سّنبّمَيٍ مَ، ﭑ شْنمِشِ نَشٍيٍ سّنبّ فبٌ ﭑ بّ.

¹⁹عٍ نَشَ ﭑ فٍرٍ ﭑ مَ تْورّ كُي، كْنْ عَلَتَلَ نَشَ ﭑ نَتَنفَ.

²⁰عَ نَشَ ﭑ نَمِنِ فبَلٌي كُي عَ شَ شَنُنتٍيَ سَابُي رَ.

²¹عَلَتَلَ بَرَ ﭑ مَ تِنشِنيِ سَرٍ رَفبِلٍن ﭑ مَ، عَ بَرَ ﭑ مَلِ ﭑ مَ كّوَلِ سّنِيّنشِ شَ قٍ رَ.

²²ﭑ بَرَ لُ عَلَتَلَ شَ كِرَ شْن، ﭑ مُ ﭑ مَرِفِ عَلَ بّحِن كٌبِحَ رَ.

²³ﭑ بَرَ عَ شَ سّرِيّ بِرِن سُشُ، ﭑ مُ تٌندِشِ عَ شَ يَامَرِيٍ رَبَتُدٍ.

²⁴ﭑ بَرَ تِنشِن عَ يَ رَ، ﭑ مُ تِن بِرَدٍ يُنُبِ قْشْ رَ.

²⁵عَلَتَلَ بَرَ ﭑ مَ تِنشِنيِ سَرٍ رَفبِلٍن ﭑ مَ، عَ بَرَ ﭑ مَلِ ﭑ مَ كّوَلِ سّنِيّنشِ شَ قٍ رَ.

²⁶عِ دُفُتّفّحَ مَسٍنمَ دُفُتّفّحَ كَنيِ بّ. عِ تِنشِنيِ مَسٍنمَ تِنشِنتْي بّ.

²⁷عِ سّنِيّنيِ مَسٍنمَ سّنِيّنتْي بّ، كْنْ عِ كْوتَ ندٍ رَبَمَ مِشِ حَاشِ رَ.

²⁸عِ يّتّ مَفٌرٌي رَكِسِمَ نّ، كْنْ عِ يّتّ عِفبٌي تَن مَفٌرٌ مَ نّ.

²⁹عَلَتَلَ، عِ تَن نَن نَءِيَلَنيِ رَ ﭑ بّ. ﭑ مَرِفِ عَلَ، ﭑ بَ دِ مِ كُي.

³⁰شَ وٌن بِرِن نَ عَ رَ، ﭑ مُ فَاشُمَ فَلِ شُنفبٍ فٍرٍدٍ. ﭑ نْمَ فٍرٍ شْرْشْي رَ عَلَ شَ مَلِ سَابُي رَ.

³¹عَلَ شَ كِرَ قَن. عَلَتَلَ شَ مَسٍنيِ تِنشِن. عَ مِشِيٍ كَنتَمَ نَشٍيٍ يِفِيَ قٍنمَ عَ رَ.

³²عَلَ فبّتّ مُ نَ، قٌ عَلَتَلَ. سّنبّمَ مُ نَ، قٌ وٌن مَرِفِ عَلَ.

³³عَلَ نَن سّنبّ قِمَ ﭑ مَ، عَ ﭑ نَحّرّ سّنِيّنيِ كُي.

³⁴عَ ﭑ مَلِمَ ﭑ شَ لُ عَلْ شٍلِ، نَشَن قَتَ حّرّدٍ يِرٍ شْرْشْي.

³⁵عَ بَرَ ﭑ نَقَلَ فٍرٍ كُي، عَ ﭑ مَلِمَ شَلِ قَنيِ رَوَلِدٍ.

³⁶عِ بَرَ ﭑ شُن نَكٍلِ، عِ بَرَ ﭑ تٌنفٌ عِ شْنيّ عِ، عِ بَرَ عِ حّنفِ سَ ﭑ شْن مَ. نَ نَن عَ نِيَشِ ﭑ دَرِيّ سْتْشِ،

³⁷ﭑ سّنبّ سْتْشِ، عَلَكٌ ﭑ نَشَ بِرَ.

³⁸ﭑ بِرَ مَ ﭑ يَشُييٍ قْشْ رَ هَن ﭑ عٍ سُشُ. ﭑ مُ فبِلٍنمَ عٍ قْشْ رَ قٌ ﭑ نْ عٍ رَ.

³⁹ﭑ نٍيٍ رَبِرَ مَ نّ هَن عٍ مُ نْ كٍلِدٍ سْنْن، عٍ قَ لُ ﭑ سَنيِ بُن.

⁴⁰عِ سّنبّ سٌمَ ﭑ يِ رَ ﭑ مَ فٍرٍ كُي. عِ ﭑ يَشُييٍ رَفٌرٌ مَ ﭑ بُن مَ،

⁴¹عِ عَ نِيَ ﭑ شَ نْ عٍ رَ. ﭑ شْنمِشِيٍ مُ وْيّنمَ سْنْن.

⁴²عٍ مِشِيٍ شِلِمَ عٍ شَ قَ عٍ مَلِ، كْنْ مِشِ يٌ مُ عٍ رَكِسِمَ. عٍ عَلَتَلَ شِلِمَ، كْنْ عَ قَن مُ عٍ يَابِمَ.

⁴³ﭑ عٍ لُشُتَمَ نّ عٍ قَ لُ عَلْ شُبٍ، قٌيٍ نَشَن شَنِنمَ. ﭑ عٍ بٌرٌنمَ عَلْ بّندّ.

⁴⁴عِ بَرَ ﭑ نَتَنفَ حَمَ مُرُتَشِ مَ، عِ قَ ﭑ قِندِ سِيٍ شُنيِ رَ. ﭑ مُ نَشَن كٌلٌن نَ بَرَ لُ ﭑ بُن مَ.

⁴⁵عٍ ﭑ شُي رَبَتُمَ، شْحّيٍ وْيّن حْشُنمّ قَلَمَ ﭑ بّ.

⁴⁶عٍ مُ سُو سَمَ ﭑ يَ رَ. عٍ مِنِمَ عٍ شَ تّتّ مَكَنتَشِ كُي فَاشُي رَ.

⁴⁷عَلَتَلَ سّنبّ مُ حْنمَ عَبَدَن. تَنتُي نَ ﭑ مَ كَنتَمَ بّ. تَنتُي نَ ﭑ مَرِفِ عَلَ مَرَكِسِمَ بّ.