لُكِ 3:3-23

³نَ كُي، عَ نَشَ سِفَ كَوَندِ رَبَدٍ يُرُدّن شُرٍ لٌنفٌرِ بِرِن. عَ نُ كَوَندِ تِمَ مِشِيٍ بّ، عٍ شَ عٍ شُنشَ يٍ شْورَ تُوبِ رَ، عَلَكٌ عَلَ شَ عٍ شَ يُنُبِيٍ شَقَرِ.

⁴عَ سّبّشِ عَننَبِ عٍسَيِ شَ كِتَابُي كُي، «مِشِ ندٍ عَ شُي عِتٍمَ فبٍنفبٍرٍنيِ مَ، ‹وٌ كِرَ يَءِلَن مَرِفِ بّ، وٌ سَنكِرَيٍ مَتِنشِن عَ يَ رَ.

⁵قٌلٍ بِرِن نَقٍمَ نّ. فٍيَ شُنفبٍ نُن عَ لَنمَ، عَ بِرِن عِفٌرٌ مَ نّ. كِرَ مَدَلِنشِ تِنشِنمَ نّ، كِرَ حَاشِ يَءِلَنمَ نّ.

⁶عَدَ مَدِ بِرِن قَمَ نّ عَلَ شَ كِسِ تٌدٍ.›»

⁷نَ كُي، حَمَ تٌ نُ سِفَمَ يَيَ شْن مَ عَ شَ عٍ شُنشَ يٍ شْورَ، عَ نَشَ عَ قَلَ عٍ بّ، «وٌ تَن بْشِمَسٍ بْنسْي! ندٍ وٌ رَكٌلٌنشِ وٌ شَ وٌ فِ عَلَ شَ شْنّ مَ نَشَن نَ قَقٍ؟

⁸وٌ كّحَ شَ وَلِ قَنيِ رَ مِنِ عَلْ وُرِ بِلِ قَنيِ بٌفِ قَنيِ رَ مِنِمَ كِ نَشّ، بٌفِ نَشَن عَ مَسٍنمَ عَ وٌ بَرَ تُوبِ. وٌ نَشَ عَ قَلَ وٌ يّتّ مَ، ‹عِبُرَهِمَ نَن نَ مُشُ بٍنبَ رَ،› بَرِ مَ قّيرّ نَ عَلَ يِ عَ شَ يِ فّمّيٍ مَقِندِ عِبُرَهِمَ شَ دِيٍ رَ.

⁹بٍيرَ حَن نَ وُرِيٍ سَنكٍيٍ رَ عَ شَ عٍ بِلِيٍ سّفّ. وُرِ نَشَن يٌ مُ بٌفِ قَنيِ رَ مِنِمَ، عَ قْنمَ نّ، عَ وٌلِ تّ عِ.»

¹⁰حَمَ نَشَ عَ مَشْرِن، «مُشُ شَ مُنسٍ رَبَ قَ؟»

¹¹عَ نَشَ عٍ يَابِ، «دٌنمَ قِرِن نَ نَشَن يِ رَ، عَ كَنيِ شَ كٍرٍن قِ بٌورٍ مَ، سٍ مُ نَ نَشَن يِ. دٌنسٍ نَ نَشَن يِ رَ، عَ كَنيِ قَن شَ عَ رَبَ نَ كِ.»

¹²دُوتِ مَشِلِيٍ قَن نَشَ قَ عٍ شُنشَدٍ يٍ شْورَ، عٍ عَ مَشْرِن، «كَرَ مْشْ، عَ لَنمَ مُشُ شَ مُنسٍ رَبَ؟»

¹³عَ نَشَ عٍ يَابِ، «وٌ نَشَ دُوتِ شُن مَسَ دَنفِ يَامَرِ رَ.»

¹⁴سْورِ ندٍيٍ قَن نَشَ عَ مَشْرِن، «مُشُ تَن فٌ؟ عَ لَنمَ مُشُ قَن شَ مُنسٍ رَبَ؟» عَ نَشَ عٍ يَابِ، «وٌ نَشَ مِشِ يٌ مُحَ، وٌ نَشَ مِشِ يٌ تْوحّفّ. وٌ شَ وٌ وَ سَ سٌ وٌ وَلِ سَرٍ نَن نَ.»

¹⁵مِشِيٍ نَشَ عٍ شَشِلِ تِ يَيَ رَ، عٍ نُ عٍ مَحْشُن، عَ تّمُندٍ عَلَ شَ مِشِ سُفَندِشِ نَ عَ رَ.

¹⁶يَيَ نَشَ عَ قَلَ عٍ بِرِن بّ، «ﭑ تَن وٌ شُنشَمَ يٍ نَن شْورَ، كْنْ نَشَن قَمَ ﭑ شَنبِ رَ، نَ سّنبّ فبٌ ﭑ تَن بّ. نَ بِنيّ مُ نَ ﭑ تَن يِ رَ، ﭑ حَن شَ عَ شَ سَنكِرِ لُوتِ يَتِ قُلُن. عَ تَن نَن عَلَ شَشِلِ سّنِيّنشِ رَفٌرٌ مَ وٌ مَ، عَ تَن نَن وٌ شُنشَمَ تّ رَ.

¹⁷عَ شَ سٍفٍرٍ سُشُشِ عَ يِ رَ، عَ مَالٍ نُن عَ لَفِ يٍفٍتِمَ نَشَن نَ لْنيِ مَ. عَ مَالٍ رَ سٌمَ عَ شَ بِلِ كُي، كْنْ عَ لَفِ تَن فَنمَ تّ رَ نَشَن مُ شُبٍنمَ.»

¹⁸يَيَ مَن نُ مِشِيٍ رَ سِمَ عَ مْولِ وُيَشِ رَ، عَ نُ عٍ كَوَندِ شِبَارُ قَنيِ رَ.

¹⁹كْنْ يَيَ تٌ وْيّن مَنفّ هٍرٌدٍ مَ، عَ تَارَ شَ فِنّ هٍرٌدِيَسِ شَ قٍ رَ، عَ نُن عَ نُ بَرَ قٍ حَاشِ نَشَن بِرِن نَبَ،

²⁰هٍرٌدٍ مَن نَشَ يِ قٍ كٌبِ كٍرٍن سَ نَ بِرِن شُن؛ عَ نَشَ يَيَ سَ فٍيلِ.

²¹حَمَ بِرِن تٌ نُ بَرَ عٍ شُنشَ يٍ شْورَ، عِسَ قَن نَشَ عَ شُنشَ يٍ شْورَ. عَ تٌ نُ عَلَ مَشَندِقٍ، كٌورٍ نَشَ رَبِ،

²²عَلَ شَشِلِ سّنِيّنشِ نَشَ فٌرٌ عَ مَ عَلْ فَنبّ. شُي ندٍ نَشَ كٍلِ كٌورٍ مَ، عَ عَ مَسٍن، «ﭑ مَ دِ مَشَنُشِ نَن نَ عِ رَ. عِ ﭑ كّنّنشِ كِ قَنيِ رَ.»

²³عِسَ تٌ حّ تٌنفٌ سَشَن حْندْن سْتْ، عَ نَشَ عَ شَ وَلِ قْلْ. مِشِيٍ نُ لَشِ عَ رَ يُسُقُ شَ دِ نَن عَ رَ. يُسُقُ قِندِشِ هٍلِ شَ دِ نَن نَ،