لُكِ 2:19-29

¹⁹مَرِيَمَ قَن نَشَ يِ قٍ بِرِن نَفَتَ عَ بْحّ مَ، عَ نُ عَ حْشْ سَ عَ شْن.

²⁰شُرُ سٍ دّ مَدٌنيِيٍ نَشَ فبِلٍن عَلَ مَتْشْ رَ، عٍ نُ عَ تَنتُ قٍ بِرِن مَ عٍ بَرَ نَشٍيٍ مّ، عٍ مَن بَرَ نَشٍيٍ تٌ. عٍ عَ بِرِن لِشِ نّ عَلْ عَ مَسٍن عٍ بّ كِ نَشّ.

²¹شِ سٌلٌمَسَشَن تٌ كَمَلِ، دِيْرّ نَشَ سُننَ. عَ شِلِ نَشَ سَ عِسَ، مَلٍكّ نُ بَرَ شِلِ نَشَن مَسٍن عَ نفَ بّ بٍينُن عَ شَ تّيفّ عَ مَ.

²²مَرَ سّنِيّنيِ وَشَتِ تٌ كَمَلِ عَننَبِ مُنسَ شَ سّرِيّ كِ مَ، يُسُقُ نُن مَرِيَمَ نَشَ عِسَ شَنِن دَرِ سَلَمُ، عَ شَ مَسٍن مَرِفِ بّ،

²³عَلْ عَ سّبّشِ كِ نَشّ مَرِفِ شَ سّرِيّ كُي، «وٌ دِ شّمّ سِنفٍ بِرِن قِمَ ﭑ تَن نَن مَ.»

²⁴عٍ مَن سِفَ نّ عٍ شَ سَ سّرّشّ بَ عَلْ عَ سّبّشِ مَرِفِ شَ سّرِيّ كُي كِ نَشّ، «فَنبّ قِرِن، شَ نَ مُ عَ رَ كٌلٌكٌندٍ لَنمَ قِرِن.»

²⁵شّمّ ندٍ نُ نَ دَرِ سَلَمُ، نَشَن شِلِ سِمٍيْن. دِينّلَ تِنشِنشِ نَن نُ عَ رَ، نَشَن نُ عِسِرَيِلَ رَكِسِمَ مَمّقٍ. عَلَ شَشِلِ سّنِيّنشِ نُ نَ عَ شُن مَ.

²⁶عَلَ شَشِلِ سّنِيّنشِ نُ بَرَ عَ مَسٍن عَ بّ، عَ عَ مُ قَشَمَ قٌ عَ مَرِفِ شَ مِشِ سُفَندِشِ تٌ.

²⁷عَلَ شَشِلِ سّنِيّنشِ نَشَ عَ نِيَ عَ شَ سِفَ هْرْ مْبَنشِ كُي. عِسَ بَرِ مَيٍ قَن تٌ سٌ نَا عٍ شَ دِ رَ، عَلَكٌ عٍ شَ عَلَ شَ سّرِيّ رَبَتُ عَ شَ قٍ رَ،

²⁸سِمٍيْن نَشَ عِسَ رَ سُشُ، عَ عَ سَ عَ كَنكٍ مَ. عَ نَشَ عَلَ مَتْشْ، عَ عَ مَسٍن،

²⁹«مَرِفِ، عِ بَرَ قَ عِ شَ لَايِدِ رَكَمَلِ ﭑ بّ تٌ، عِ شَ كٌنيِ شَ تَا مَسَرَ بْحّسَ كُي،