لٍوِ سّرّشّدُبّ 13:50-59

⁵⁰نَ قُرٍ نَ سٍ نَشَن مَ، نَ سٍ شَ رَفَتَ يِرٍ ندٍ عَ كٍرٍنيِ مَ شِ سٌلٌقٍرٍ بُن مَ.

⁵¹شِ سٌلٌقٍرٍ ندٍ لْشْي سّرّشّدُبّ مَن شَ عَ مَتٌ. شَ نَ قُرٍ بَرَ لَنتَن يّ عِ نَ دُفِ مَ، شَ نَ مُ عَ رَ نَ سٍ دّنبّشِ مَ، شَ نَ مُ عَ رَ نَ كِرِ مَ، قُرٍ حَاشِ نَ عَ رَ. نَ بَرَ قِندِ سٍ سّنِيّنتَرٍ رَ.

⁵²سّرّشّدُبّ شَ سٍ بِرِن فَن نَ قُرٍ نَ سٍ نَشَن مَ، دُفِ نَشَن يَءِلَنشِ شُرُ سٍ شَبٍ رَ، دُفِ نَشَن يَءِلَنشِ فّسّ قُتٍ رَ، دُفِ دّنبّشِ، شَ نَ مُ عَ رَ كِرِ.

⁵³كْنْ شَ سّرّشّدُبّ بَرَ عَ مَتٌ، نَ قُرٍ مُ لَنتَنشِ نَ سٍيٍ مَ،

⁵⁴عَ شَ يَامَرِ قِ نَ سٍيٍ شَ مَشَ يٍ رَ، عٍ شَ سَ عٍ كٍرٍنيِ مَ شِ سٌلٌقٍرٍ بُن مَ سَنمَيَ قِرِن ندٍ.

⁵⁵عَ نَ فّ مَشَدٍ، سّرّشّدُبّ مَن شَ نَ مَتٌ. شَ قُرٍ مُ مَسَرَشِ، هَلِ عَ مَن مُ لَنتَنشِ عَ عِ، نَ قِندِشِ سٍ سّنِيّنتَرٍ نَن نَ. عَ بِرِن شَ فَن تّ رَ، هَلِ قُرٍ نَ عَ لَهَلّ كٍرٍنيِ فبَنسَن نَن مَ.

⁵⁶شَ سّرّشّدُبّ بَرَ عَ تٌ قُرٍ مُ قِيشّ عَلْ سِنفٍ، عَ شَ نَ يِرٍ فبَنسَن بَ نَ.

⁵⁷كْنْ شَ قُرٍ نَ لَنتَنقٍ عَ عِ دُفِ مَ، شَ نَ مُ عَ رَ دُفِ دّنبّشِ مَ، شَ نَ مُ عَ رَ كِرِ مَ، قُرٍ حَاشِ نَ عَ رَ، قٌ نَ شَ فَن تّ رَ.

⁵⁸شَ قُرٍ بَرَ بَ دُفِ مَ، شَ نَ مُ عَ رَ دُفِ دّنبّشِ مَ، شَ نَ مُ عَ رَ كِرِ مَ يٍ رَ عَ قِرِن ندٍ، عَ بَرَ سّنِيّن.»

⁵⁹سّرِيّ نَن نَ كِ قُرٍ حَاشِ شَ قٍ رَ نَشَن نْمَ لُدٍ دُفِ ندٍ مَ نَشَن يَءِلَنشِ شُرُ سٍ شَبٍ رَ، شَ نَ مُ عَ رَ فّسّ قُتٍ رَ، عَ نُن دُفِ ندٍ مَ نَشَن دّنبّشِ، عَ نُن كِرِ ندٍ مَ. نَ سّرِيّ نْمَ عَ مَسٍندٍ شَ سٍ ندٍ سّنِيّن، شَ نَ مُ عَ مُ سّنِيّن.