كِيتِسَيٍ 10:9-18

⁹عَمٌنِكَيٍ نَشَ دَنفِ يُرُدّن نَ، عَلَكٌ عٍ شَ سَ يُدَيَ، بُنيَمِن، نُن عٍقِرَ مِ قَن فٍرٍ. عِسِرَيِلَ بْحّ تْورْ نّ كِ قَنيِ نَ وَشَتِ.

¹⁰عِسِرَيِلَكَيٍ نَشَ عَلَتَلَ شِلِ عٍ شُي عِتٍشِ رَ، عٍ نُ قَ عَ قَلَ، «مُشُ بَرَ يُنُبِ رَبَ عِ رَ، بَرِ مَ مُشُ بَرَ فبِلٍن مُشُ مَرِفِ عَلَ قْشْ رَ، مُشُ مَن بَرَ بَلِ كُيٍيٍ بَتُ.»

¹¹عَلَتَلَ نَشَ عَ مَسٍن عِسِرَيِلَكَيٍ بّ، «مِسِرَكَيٍ، عَمٌرِكَيٍ، عَمٌنِكَيٍ، قِلِسِتَكَيٍ،

¹²سِدْنكَيٍ، عَمَلّكِكَيٍ، نُن مَيٌنكَيٍ تٌ وٌ تْورْ، وٌ نَشَ ﭑ شِلِ وٌ شُي عِتٍشِ رَ. نَ تّمُي، ﭑ مُ وٌ بَ شّ عٍ سَفٌي؟

¹³كْنْ وٌ تَن بَرَ ﭑ قِنِسِرِوَلِ، وٌ قَ عَلَ فبّتّيٍ بَتُ. نَ نَن عَ تٌشِ ﭑ مُ وٌ رَتَنفَمَ سْنْن.

¹⁴وٌ سَ سْنشْ وٌ شَ عَلَيٍ رَ، وٌ نَشٍيٍ سُفَندِشِ. عٍ شَ وٌ رَتَنفَ وٌ شَ تْورّيٍ مَ.»

¹⁵عِسِرَيِلَكَيٍ نَشَ عَ مَسٍن عَلَتَلَ بّ، «مُشُ بَرَ يُنُبِ رَبَ. عِ شَ عِ وَشْنقٍ رَبَ مُشُ رَ، كْنْ يَندِ عِ شَ مُشُ رَكِسِ تٌ.»

¹⁶نَ تّمُي عٍ نَشَ فبِلٍن سِ فبّتّيٍ شَ عَلَيٍ قْشْ رَ، عٍ قَ عَلَتَلَ بَتُ. عَلَتَلَ نُ بَرَ كِنِكِنِ عٍ مَ عٍ شَ تْورّ كُي.

¹⁷عَمٌنِكَيٍ نَشَ عٍ مَلَن، عٍ سَ كُرُ فَلَدِ. عِسِرَيِلَكَيٍ قَن نَشَ عٍ مَلَن، عٍ سَ كُرُ مِسِثَ.

¹⁸فَلَدِ حَمَ نُن مَنفّيٍ نُ قَ عَ قَلَ عٍ بٌورٍ بّ، «شّمّ مُندُن قَمَ يِ فٍرٍ قْلْدٍ عَمٌنِكَيٍ مَ؟ نَ كَنيِ نَن قِندِ مَ فَلَدِكَيٍ شَ مَنفّ رَ.»