عِسِرَيِلَ مَنفّيٍ ١ 20:31-39

³¹عَ شَ سْورِيٍ نَشَ عَ قَلَ عَ بّ، «مُشُ عَ مّ نّ، عَ عِسِرَيِلَكَيٍ شَ مَنفّيٍ بْحّ قَن. مُشُ شَ بّكِ دُفِ شِرِ مُشُ تَفِ، مُشُ شَ لُوتِ شِرِ مُشُ شُنيِيٍ سُننُنيِ تْنشُمَ رَ، مُشُ شَ مُشُ يّتّ دّنتّفّ عِسِرَيِلَ مَنفّ بّ. تّمُندٍ عَ دِحّمَ عِ قَشَقٍ مَ.»

³²عٍ نَشَ بّكِ دُفِ شِرِ عٍ تَفِ، عٍ لُوتِيٍ شِرِ عٍ شُنيِيٍ سُننُنيِ تْنشُمَ رَ، عٍ قَ عٍ يّتّ دّنتّفّ عِسِرَيِلَ مَنفّ بّ، عٍ قَ عَ قَلَ، «عِ شَ كٌنيِ بٍن هَدَدَ بَرَ عِ مَيَندِ عِ نَشَ عَ قَشَ.» عَكَبُ نَشَ عٍ يَابِ، «عَ مَن بَلٌشِ؟ ﭑ نفَشَكٍرٍنيِ نَن عَ رَ.»

³³نَ مِشِيٍ تٌ نَ مّ، عٍ نَشَ عَ مَحْشُن قٍ قَنيِ نَ عَ رَ. عٍ نَشَ مَنفّ يَابِ، «عِيٌ، بٍن هَدَدَ عِ نفَشَكٍرٍنيِ نَن عَ رَ!» عَكَبُ نَشَ عٍ يَمَرِ، «وٌ سَ قَ عَ رَ.» بٍن هَدَدَ نَشَ مِنِ عَ نُ نَ دّننَشّ، عَ سِفَ عَكَبُ يِرٍ. عَكَبُ نَشَ عَ بَكِ عَ شَ سْورِ رَفِسٍ كُي.

³⁴بٍن هَدَدَ نَشَ عَ قَلَ عَ بّ، «ﭑ تَايٍ رَفبِلٍنمَ نّ عِ مَ، ﭑ بَبَ نَشٍيٍ بَ عِ بَبَ يِ رَ. عِ نْمَ عِ شَ مَكِتِ تِدٍ دَ مَسِ، عَلْ ﭑ بَبَ فبٍ تٌ نُ نَ سَمَرِ.» عَكَبُ نَشَ عَ قَلَ عَ بّ، «وٌن شَ سَاتّ شِرِ، ﭑ قَ عِ بّحِن.» عٍ تٌ سَاتّ شِرِ، عَ نَشَ عَ بّحِن.

³⁵نَمِحْنمّ ندٍ نَشَ عَ قَلَ عَ حّرّ بٌورٍ بّ عَلَتَلَ شُي رَ، «ﭑ بْنبْ.» كْنْ عَ حّرّ بٌورٍ مُ تِن عَ بْنبْدٍ.

³⁶نَ كُي، عَ نَشَ عَ قَلَ عَ حّرّ بٌورٍ بّ، «عِ تٌ مُ تِنشِ عِ تُلِ مَتِدٍ عَلَتَلَ شَ مَسٍنيِ رَ، يّتّ ندٍ قَمَ نّ عِ قَشَدٍ.» عَ تٌ كٍلِ مّننِ، يّتّ نَشَ دُتُن عَ مَ، عَ عَ قَشَ.

³⁷نَ نَمِحْنمّ نَشَ سِفَ مِشِ فبّتّ قَن يِرٍ، عَ عَ قَلَ عَ بّ، «ﭑ بْنبْ.» نَ كَنيِ نَشَ عَ بْنبْ هَن عَ عَ مَشْنْ.

³⁸نَمِحْنمّ نَشَ سَ تِ كِرَ رَ مَنفّ نُ دَنفِمَ دّننَشّ. عَ نَشَ عَ يَتَفِ مَشِرِ دُفِ ندٍ رَ عَ قِ دَاشِ.

³⁹مَنفّ تٌ دَنفِ نَا، نَمِحْنمّ نَشَ عَ قَلَ مَنفّ بّ عَ شُي عِتٍشِ رَ، «ﭑ تَن عِ شَ سْورِ، ﭑ نُ نَ فٍرٍ يِرٍ نّ. سْورِ ندٍ نَشَ مِنِ فٍرٍ يَ مَ، عَ قَ وٌن يَشُي سُشُشِ ندٍ تَشُ ﭑ نَ، عَ عَ قَلَ ﭑ بّ، ‹يِ شّمّ سُشُ فبٍن. شَ عَ عَ بَ عِ يِ، عِ نِي نَن قِندِ مَ عَ سَرٍ رَ، شَ نَ مُ عِ كْبِرِ بَ.›