عِسِرَيِلَ مَنفّيٍ ١ 20:15-29

¹⁵نَ كُي عَكَبُ نَشَ فٌمِنَيٍ شَ سّفّتَلَيٍ مَلَن، عٍ قِندِ مِشِ كّمّ قِرِن مِشِ تٌنفٌ سَشَن نُن قِرِن نَ. عِسِرَيِلَ حَمَ نَشَن نُ نَ عٍ شَنبِ رَ، عٍ قِندِ مِشِ وُلُ سٌلٌقٍرٍ نَن نَ.

¹⁶عٍ نَشَ مِنِ فٍرٍ سٌدٍ يَنيِ تَفِ. عَ لِشِ بٍن هَدَدَ نُن عَ مَلِمَ مَنفّ تٌنفٌ سَشَن نُن قِرِن نُ نَ بٍرٍ مِنقٍ عٍ شَ لٍيلٍيٍ بُن مَ.

¹⁷فٌمِنَيٍ شَ سّفّتَلَيٍ سِنفٍ نَشَ مِنِ فٍرٍ سٌدٍ. مِشِيٍ نَشَ عَ قَلَ بٍن هَدَدَ بّ، «سْورِيٍ بَرَ مِنِ سَمَرِ تَا كُي.»

¹⁸عَ نَشَ عٍ يَابِ، «شَ نَ سْورِيٍ قَقٍ لَنيِ نَن قٍندٍ، شَ نَ مُ عَ رَ عٍ وَ مَ فٍرٍ سٌدٍ، وٌ شَ عٍ سُشُ كْنْ وٌ نَشَ عٍ قَشَ دٍ.»

¹⁹عِسِرَيِلَ فٌمِنَيٍ شَ سّفّتَلَيٍ نَشَ مِنِ، عٍ نُن عِسِرَيِلَ سْورِ حَمَ.

²⁰عٍ تٌ فٍرٍ سٌ، كَنكَن نَشَ مِشِ ندٍ قَشَ. عَرَ مِكَيٍ نَشَ عٍ فِ كٍرٍن نَ، عِسِرَيِلَكَيٍ قَ بِرَ عٍ قْشْ رَ. عَرَ مِ مَنفّ بٍن هَدَدَ قَن نَشَ عَ فِ عَ شَ سٌي قَرِ، عَ نُن سْورِ ندٍ نَشٍيٍ نُ نَ سْورِ رَفِسٍيٍ كُي.

²¹عِسِرَيِلَ مَنفّ نَشَ مِنِ، عَ عَرَ مِكَيٍ شَ سٌييٍ قَشَ، عَ عٍ شَ سْورِ رَفِسٍيٍ كَنَ. نَ قِندِ نّ فبَلٌي رَ عَرَ مِكَيٍ بّ.

²²نَ نَمِحْنمّ مَن نَشَ عَ مَسٌ عِسِرَيِلَ مَنفّ رَ، عَ عَ قَلَ عَ بّ، «عِ شَ وَكِلِ، عِ شَ قٍيٍ رَقَلَ، بَرِ مَ تَمُنَ عَرَ مِ مَنفّ مَن قَمَ نّ عِ فٍرٍدٍ.»

²³عَرَ مِ سْورِيٍ نَشَ عَ قَلَ عٍ شَ مَنفّ بّ، «عِسِرَيِلَكَيٍ شَ عَلَ سّنبّ فبٌ فٍيَ نَن قَرِ. نَ نَن عَ تٌشِ عٍ وٌن بْنبْشِ. شَ وٌن سَ عٍ فٍرٍ قِلِ نَن مَ نُ، وٌن نْمَ نّ عٍ رَ.

²⁴عِ نَشَن نَبَمَ، عِ شَ نَ مَنفّيٍ بَ نَشٍيٍ نَ عِ شَ مِشِيٍ يَ مَ، عِ قَ فٌمِنَيٍ تِ عٍ حْشْي رَ.

²⁵عِ شَ سْورِ فبّتّيٍ قٍن سْورِ قَشَشِيٍ حْشْي رَ، عِ شَ سٌي نُن سْورِ رَفِسٍيٍ قٍن عَ كَنَشِيٍ حْشْي رَ. نَ تّمُي، وٌن مَن سِفَمَ عٍ فٍرٍدٍ قِلِ نَن مَ، وٌن قَمَ نّ نْدٍ عٍ رَ عَ قَنيِ رَ.» مَنفّ نَشَ نَ بِرِن نَبَ، عَلْ عٍ عَ قَلَ عَ بّ كِ نَشّ.

²⁶نَ حّ عِفبِلٍنيِ، بٍن هَدَدَ نَشَ عَ شَ سْورِيٍ مَلَن، عَ عٍ شَنِن عَقٍكِ بِرِ رَ، عٍ شَ عِسِرَيِلَ فٍرٍ.

²⁷عِسِرَيِلَكَيٍ قَن نَشَ عٍ شَ سْورِيٍ مَلَن، عٍ قَندّ سْتْ، عٍ سِفَ عٍ رَلَندٍ. عِسِرَيِلَكَيٍ تٌ يٌنكِن عَرَ مِ حَمَ يَ عِ، عٍ لُ نّ عَلْ سِ فْورّ لَنمَدِ قِرِن عَرَ مِكَيٍ شَ فبٌي شَ قٍ رَ.

²⁸عَلَ شَ مِشِ نَشَ عَ مَسٌ عِسِرَيِلَ مَنفّ رَ، عَ عَ مَسٍن عَ بّ، «عَلَتَلَ شُي نَن يِ كِ؛ عَرَ مِكَيٍ تٌ عَ قَلَ عَ عَلَتَلَ سّنبّ فبٌ فٍيَ نَن قَرِ عَ مُ قِندِشِ عَلَ رَ قِلِ تَن مَ، ﭑ عٍ سَمَ نّ عِ سَفٌي، عَلَكٌ عِ شَ عَ كٌلٌن ﭑ تَن نَن عَلَتَلَ رَ.»

²⁹عٍ نَشَ يٌنكِن عٍ بٌورٍ يَ عِ شِ سٌلٌقٍرٍ بُن مَ. نَ تّمُي فٍرٍ نَشَ قْلْ، عِسِرَيِلَكَيٍ قَ عَرَ مِ سْورِيٍ مِشِ وُلُ كّمّ قَشَ.