عَننَبِ عٍسَيِ 1:17-31

¹⁷وٌ وٌ مَتِنكَن قٍ قَنيِ رَبَدٍ، وٌ لُ تِنشِنيِ كُي، وٌ مِشِ كٌبِيٍ مَكِيتِ، وٌ كِرِدِيٍ نُن كَاحّ فِنّيٍ شُن مَقَلَ.»

¹⁸عَلَتَلَ نَشّ، «وٌ قَ، وٌن شَ وْيّن. هَلِ وٌ شَ يُنُبِيٍ تٌ بَرَ وٌ مَنْشْ، وٌ نْمَ قِيشّدٍ قْين. هَلِ عٍ سَ شْسِ نّ عَلْ فَرّ فبٍيلِ، عٍ نْمَ نّ قِيشّدٍ عَلْ شُرُ سٍ قِيشّ قَتٍ مَشَبٍ.

¹⁹شَ وٌ تِن وٌ تُلِ مَتِدٍ ﭑ نَ، وٌ يِ بْشِ دَشَمُي دٌنمَ نّ،

²⁰كْنْ شَ وٌ سَ تٌندِ ﭑ نَتِنمّدٍ، سَنتِدّفّمَ نَن وٌ سْنتْمَ.» عَلَتَلَ شُي نَن نَ كِ.

²¹يِ تَا لُشِ نّ عَلْ فِنّ نَشَن نُ دُفُتّفّشِ عَ شَ مْرِ مَ عَ قَ مّ عَ رَ، عَ قِندِ لَنفٌي فِنّ رَ. عَ سِنفٍ عَ نُ تِنشِن عَ قَنيِ رَ، كْنْ يَكْسِ عَ بَرَ قِندِ قَشَتِ رَ؟

²²عِ شَ فبٍتِ بَرَ قِندِ سٍ كَنَشِ رَ، عِ شَ وّنِ بَرَ سُنبُ يٍ رَ.

²³عِ شَ مَنفّيٍ بَرَ مُرُتَ، عٍ قِندِ مُحّتِيٍ رَ، بُحَ تِنشِنتَرٍ رَقَن نَشٍيٍ مَ. نَ كُي عٍ مُ كِرِدِيٍ مَلِمَ، عٍ مُ كِيتِ قَنيِ سَمَ كَاحّ فِنّ شَ تْورّ شَ قٍ رَ.

²⁴عَلَتَلَ سّنبّمَ شُي نَن يَ، نَ شَ قٍ رَ. عِسِرَيِلَ مَرِفِ عَلَ سّنبّمَ نَشّ، «ﭑ حَشَنكَتّ دْشْمَ نّ ﭑ فٍرٍقَيٍ مَ، ﭑ نَ ﭑ فبٍ حْشْ ﭑ يَشُييٍ مَ.

²⁵ﭑ فبِلٍنمَ نّ ﭑ يِ سَ رَ عِ مَ عَ شْرْشْي رَ، ﭑ عِ رَ سّنِيّن عَلْ فبٍتِ فبِ بَمَ كِ نَشّ تّ رَ، عَلَكٌ عِ شَ بَ تِنشِنتَرٍيَ مَ.

²⁶ﭑ كِيتِسَ تِنشِنشِيٍ تِمَ نّ وٌ شُن عَلْ سِنفٍ، ﭑ مَرَ سِمَ قَنيِيٍ لُمَ نّ وٌ تَفِ عَلْ تّمُي دَنفِشِ. نَ دَنفِ شَنبِ، عِ شِلِ قَمَ نّ قَلَدٍ ‹تَا تِنشِنشِ نَشَن دُفُتّفّشِ.›»

²⁷سِيٌنِ شُن سَرَ مَ نّ تِنشِنيِ رَ، تُوبِ مِشِيٍ كِسِمَ نّ تِنشِنيِ سَابُي رَ.

²⁸كْنْ فبَلٌي فٌرٌ مَ نّ مُرُتّلَيٍ نُن يُنُبِتْييٍ مَ، هَلَكِ لُ مِشِيٍ قْشْ رَ، نَشٍيٍ عٍ كٌبٍ سٌمَ عَلَتَلَ رَ.

²⁹وٌ قَمَ نّ يَافِدٍ قْتْنيِ رَ وٌ نُ كُيٍ بَتُمَ دّننَشّ. وٌ يَافِ بٍلٍبٍلٍ سْتْمَ نّ نَ يِرٍيٍ شَ قٍ رَ.

³⁰وٌ قَمَ نّ لُدٍ عَلْ وُرِ بِلِ لِسِشِ، يٍ مُ نَ نَشَن مَ.

³¹سّنبّمَ سّنبّ حْنمَ نّ، عَ تَن نُن عَ شَ وَلِ بِرِن فَن، عَ رَكِسِمَ يٌ مُ لُ نَ.