عَننَبِ عٍسَيِ 10:22-28

²²عِسِرَيِلَ، هَلِ عِ شَ حَمَ سَ فبٌ نّ عَلْ مّيّنيِ نَشَن نَ بَا دّ رَ، دٌندٌرٌنتِ نَن تُن فبِلٍنمَ عٍ شْنيِ. عَلَتَلَ بَرَ نَتّ تٌنفٌ تِنشِنيِ كُي عِسِرَيِلَكَيٍ سْنتْقٍ رَ.

²³عَلَتَلَ سّنبّمَ قَمَ نّ نَ نَتّ رَكَمَلِدٍ بْشِ بِرِن كَنَقٍ رَ.

²⁴نَ كُي عَلَتَلَ سّنبّمَ بَرَ يِ مَسٍنيِ تِ، عَ نَشّ، «وٌ تَن، ﭑ مَ حَمَ نَشَن سَبَتِشِ سِيٌنِ، هَلِ وٌ مُ فَاشُ عَسِرِيَكَيٍ يَ رَ، نَشٍيٍ نَ وٌ بْنبْقٍ لُشُسِنيِ نُن وُرِ رَ، عَلْ مِسِرَكَيٍ نُ عَ رَبَمَ كِ نَشّ.

²⁵عَ فبٍ مُ لُشِ ﭑ مَ شْنّ شَ فبِلٍن وٌ قْشْ رَ، عَ قَ عٍ تَن شُن نَكَنَ.»

²⁶عَلَتَلَ سّنبّمَ قَمَ نّ عَ شَ لُشُسِنيِ عِتٍدٍ عٍ شِلِ مَ، عَلْ عَ نَشَن نَبَ مَدِيَنكَيٍ شَ مَنفّ عٌرٍبِ رَ. عَ قَمَ نّ عَ شَ يِسُشُوُرِ عِتٍدٍ بَا شُن مَ، عَلْ عَ رَبَ مِسِرَ بْشِ مَ كِ نَشّ.

²⁷نَ لْشْي عَلَ وٌ شَ كٌتٍ بِنيٍ بَمَ نّ وٌ تُنكِ مَ عٍ نَشَن سَشِ وٌ شُن مَ. وٌ شُن نَكٍلِمَ نّ هَن نَ كٌتٍ بِرِن بَ وٌ شُن مَ.

²⁸وٌ يَشُييٍ سٌمَ نّ عَيَتَ، عٍ دَنفِ مِفِرٌن رَ، عٍ كٌتٍ ندٍ لُ مِكِمَسِ.