سُوكِ 7:1-13

¹«سُلَمِكَ، عِ شَ فبِلٍن، عِ شَ فبِلٍن، عَلَكٌ مُشُ شَ عِ مَتٌ.» شّمّ شَ مَسٍنيِ فِنّيٍ بّ «مُنقٍ رَ وٌ سُلَمِكَ مَتٌمَ عَ قَرٍ بٌرٌنقٍ كِ نَشّ حَمَ يَ مَ؟»

²«مَنفّ شَ دِ، عِ سَنيِ تٌقَن سَنكِرِ كُي. عِ تَفِ بِلِنيِ رَيَبُ عَلْ شُنمَسٍ مِشِ نَشَن يَءِلَنشِ.

³عِ قُرِ دِفِلِن، عَ رَقٍشِ قٍ قَنيِ رَ، عِ تَفِ لُشِ عَلْ مّنفِ مَلَنشِ، عَ رَبِلِنشِ سَنسِ قُفٍ تٌقَنيِيٍ رَ.

⁴عِ شِحّ قِرِنيِ لُشِ عَلْ شٍلِ شَ فُلِيٍ.

⁵عِ كْنيِ قِلِنشِ، عَ لُشِ عَلْ يِرٍ مَكَنتَشِ عِتٍشِ، نَشَن يَءِلَنشِ سِلِ حِنيِ رَ. عِ يَيٍ لُشِ عَلْ يٍ رَفَتَدٍيٍ شّسِبْن، بَتِ رَبِمِ نَادّ سّيتِ مَ. عِ حْي لُشِ عَلْ لِبَن شَ يِرٍ مَكَنتَشِ، نَشَن يَ رَقِندِشِ دَ مَسِ مَ.

⁶عِ شُنيِ لُشِ عَلْ كَرٍ مٍلٍ فٍيَ، عِ شُنسّشّ لُشِ عَلْ دُفِ فبٍيلِ. مَنفّ مُ نْمَ عَ يَ بَدٍ نَشَن نَ.

⁷ﭑ شَنُنتٍنيِ، عِ تٌقَن، ﭑ شَنُنتٍنيِ قَنيِ، عِ رَقَن ﭑ مَ.

⁸عِ كُيَ عَلْ تُفِ بِلِ، عِ شِحّ مِسَالِشِ نَشَن بٌفِيٍ رَ.

⁹ﭑ بَرَ عَ قَلَ ﭑ يّتّ بّ، ‹ﭑ شَ تٍ نَ تُفِ كْن نَ، ﭑ شَ نَ بٌفِ سُشُ.› عِ شِحّ مِسَالِشِ وّنِ بِلِ بٌفِ نَن نَ، عِ دّ شِرِ حْشُن عَلْ مَنفٌي،

¹⁰عِ دّ رَقَن ﭑ مَ دَنفِقٍ وّنِ رَ.» فِنّ شَ مَسٍنيِ شّمّ بّ «عِيٌ، عَ مَنِيَشِ وّنِ نَن نَ، نَشَن قِندِشِ ﭑ شَنُنتٍنيِ فبٍ رَ، وٌن قِرِن نَشَن مِنمَ.

¹¹ﭑ بَرَ قِندِ ﭑ شَنُنتٍنيِ فبٍ رَ، عَ شْلِ نَ ﭑ تَن نَن مَ.

¹²ﭑ شَنُنتٍنيِ، وٌن شَ مِنِ دَاشَ، وٌن شَ كْي رَدَنفِ تَا شُنشُرِيٍ كُي.

¹³وٌن كُرُنمَ نّ سِفَقٍ رَ وّنِ بٌفِ بِلِ مَتٌدٍ، وٌن شَ عَ تٌ شَ عٍ قُفَشِ، وٌن شَ عَ مَتٌ شَ مَنفٌي قَن قُفٍ بَرَ مِنِ. مّننِ ﭑ ﭑ مَ شَنُنتٍيَ مَسٍنمَ نّ عِ بّ.