Solomon 7:1-13

¹Na kho te hlangcong canu kah khokhom neh sawtthen tangkik. Na phai dongkah phaibong khaw kutthai kut kah bibi neh himbai bangla om.

²Na yenrhui te kueluek baeldung bangla homtui long khaw vaitah pawh. Na bungko te khaw tuilipai loh cang hlom neh a ven.

³Na rhangsuk rhoi tah sakhi rhuinu caphae ca rhoi van pawn ni.

⁴Na rhawn tah rhaltoeng vueino van pawn ni. Na mik tah Bathrabbim vongka kah Heshbon tuibuem van pawn ni. Na hnarhong tah Damasku rhaldan aka tawt Lebanon rhaltoengim van pawn ni.

⁵Na sokah na lu tah Karmel tlang van pawn ni. Na lu samloeng tah manghai sammuei, daidi samdueng van pawn ni.

⁶Lungnah, omthenbawnnah neh sawtthen tangkik tih hmae tangkik.

⁷Na sang loh rhophoe a puet tih na rhangsuk loh thaihsu coeng he.

⁸“Rhophoe dongah ka yoeng saeh lamtah a koi te ka hlan eh,' ka ti. Na rhangsuk tah misur thaihsu bangla om laeh saeh. Na hnarhong hmueih tah thaihthawn van pawn ni.

⁹Na ka tah misurtui then van pawn ni. Kamah hlo taengah caeh vaengah no neh lai khaw vanat la khuep uh.

¹⁰Kamah he kamah hlo kah coeng tih a lungdueknah tah kamah ham saeh.

¹¹Kamah hlo aw halo lamtah pong la cet lah sih, vangca ah khaw rhaeh mai sih.

¹²Thoo sih, misurdum te so sih. Misur khaw a cuen khaming, thaihmoe loh culh tih tale khaw khooi coeng. Teah te kamah hlo te nang taengah kam pae eh.

¹³Hloih he a bo rhim. Tedae mah kah thohka ah cangtham he a rhuem a thai la cungkuem tih ka hlo nang ham ka khoem.