سُوكِ 6:4-12

⁴«ﭑ دّ قَن بٌورٍ، عِ تٌقَن عَلْ تِرِ سَ، عِ رَيَبُ عَلْ دَرِ سَلَمُ، عِ سّنبّ فبٌ عَلْ عِسِرَيِلَ شَ سْورِيٍ.

⁵عِ نَشَ عِ يَ تِ ﭑ نَ، شَ نَ مُ عَ رَ ﭑ شَشِلِ عِقُمَ نّ. عِ شُنسّشّيٍ فبٌ. عٍ لُشِ نّ عَلْ سِ فْورّ نَشَن فٌرٌ مَ فَلَدِ فٍيَ قَرِ.

⁶عِ حِنيِ قِيشّ عَلْ يّشّي فْورّ نَشَن شَبٍ مَشَبَشِ، عٍ كٍلِشِ نَشٍيٍ مَشَدٍ. عِ حِنيِ كٍرٍن مُ بَشِ، عٍ بِرِن دّحّشِ.

⁷عِ شّرّ تٌقَن عَلْ مَنفٌي نَشَن عِشَبَشِ عَ تَفِ. عٍ نْشُنشِ عِ شَ مَقٍلٍنيِ بُن مَ.

⁸مَنفّ فِنّ تٌنفٌ سٍننِ نْمَ لُدٍ نَا، مَنفّ شَ كٌنيِ فِنّ تٌنفٌ سٌلٌمَسَشَن قَن لُ نَا، عَ نُن عَ شَ فِنّدِ مّ تٌقَنيِ فبٍفبٍ نَشَن كْنتِ مُ كٌلٌن.

⁹كْنْ فِنّ كٍرٍن ثٍتِ نَن ﭑ يِ نَشَن دَنفِ عٍ بِرِن نَ. عَ كٍرٍن نَن نَ عَ نفَ بّ، نَشَن نَقَنشِ عَ مَ دَنفِقٍ عٍ بِرِن نَ. فِنّدِ مّيٍ، مَنفّ فِنّيٍ، نُن مَنفّ شَ فِنّيٍ، عٍ بِرِن عَ مَتْشْمَ يِ وْيّنيِ رَ،

¹⁰‹ندٍ نَ يِ فِنّ رَ، نَشَن يَنبَمَ عَلْ سُبَشّ نَءِيَلَنيِ، نَشَن تٌقَن عَلْ كِكٍ، نَشَن قَتٍ يَنبَمَ عَلْ سٌفٍ، نَشَن مَمِرِن عَلْ تُنبُي فَالِ؟›»

¹¹«ﭑ وَ مَ فٌرٌقٍ سَنسِ يِرٍ، عَلَكٌ ﭑ شَ سَنسِ نّينّ تٌ فُلُنبَ كُي، عَلَكٌ ﭑ شَ عَ كٌلٌن شَ وّنِ بِلِ بَرَ بٌفِ، شَ مَنفٌي بَرَ قُفَ.

¹²ﭑ مُ نُ عَ كٌلٌن شَ ﭑ يّتّ قَمَ تٍدٍ ﭑ مَ حَمَ شَ مَنفّ رَفِسٍ كُي.»