Solomon Labu 6:4-12

⁴Moulang: Ngainu, namelhoingeije, vetnom umtah Tirzah khopi, Jerusalem tobang’in na hoijin; galsat-galhang hon ponlap akidopbang uvin na thupi-e.

⁵Namit tenin avet nalang heipheijin, ijeh-inem itileh na hoinan haisamo in eilhai. Nasam kailha jong Gilead lhangdunga kon kel-honhung kijotsuh abang jeng’e.

⁶Naha ho kelngoi kihet ngousel jouchet’na kisop thengsel bang inakangleh jeng’e. Na mehiuheo dannolnabei ahi in, na hatu jouse jongakigolkhom dildel uve.

⁷Na bengmai langto jong naponlukhuh noijah kolbuthei changasan jitjet abang jeng’e.

⁸Lengnu somgup, thaikem somgetchule sim’a simsenlou nungahkhangdong aum in,

⁹Hijeng jongleh kenvang kavakho, achamkim pen nu-anunadeilhen pen, ahing nun dottah’aangailut pen nu bou hi ka deilhenpen’e. Nungah khangdong hon jongangai sang uvin, lengnu tamtah leleng inpia thaikemho jeng in jongngaisang nan ala choijun:

¹⁰“Koi hija ham, taikho vah bangahung vahdoh-a, chollha bangavet-hoi lheh jenga, nisa banga vahemsela, galsat ho ponlap dop bangagimnei jeng hi?” atiuvin ahi.

¹¹Mounu: Kei jong ka kumsuh-ebeleija bepah ve ding le phaichamahamhing hung dondoh thahho veding, chule lengpigui ho dondohsoh tam, kolbutheiho jong pahsohhitam ti gave lha ding in.

¹²Hinlah keiman ka kigeldohmasang in, ka lhangai mama jengna lungthim chun eipui lut tai; keidia milalpa sakol kangtol sungah.