سَمُوٍلِ ٢ 19:18-37

¹⁸بُنيَمِنكَ سْورِ مِشِ وُلُ كٍرٍن نَن نُ نَ عَ قْشْ رَ. سِبَ، نَشَن نُ بَرَ وَلِ سْلُ شَ دٍنبَيَ بّ، عَ تَن نُن عَ شَ دِ قُ نُن سُولِ، عَ نُن عَ شَ كٌنيِ مْشْحّن، عٍ قَن نَشَ سِفَ يُرُدّن شُرٍ مَنفّ رَلَندٍ.

¹⁹مِشِيٍ نُ نَ مَنفّ شَ حَمَ مَلِقٍ شُرٍ عِفِرِدٍ تّمُي نَشّ، فٍرَ شَ دِ سِمٍيِ نَشَ بِرَ مَنفّ بُن مَ،

²⁰عَ عَ مَيَندِ، «ﭑ مَرِفِ، عِ نَشَ شْنّ رَفَتَ عِ بْحّ كُي ﭑ بّ. عِ نَشَ عِ فبٍ حْشْ ﭑ مَ قٍ حَاشِ رَ، ﭑ نَشَن نَبَشِ عِ رَ عِ مِنِ لْشْي.

²¹ﭑ مَرِفِ، ﭑ بَرَ ﭑ مَ يُنُبِ كٌلٌن. نَ كُي، تٌ، ﭑ سِنفٍ نَن قَشِ عِ رَ سّنّدٍ يُسُقُ شَ مِشِيٍ يَ مَ.»

²²نَ تّمُي سٍرُيَ شَ دِ عَبِسَيِ نَشَ عَ قَلَ دَوُدَ بّ، «عَ مُ لَنمَ شّ سِمٍيِ شَ قَشَ، بَرِ مَ عَ بَرَ مَنفّ دَنكَ، عَلَتَلَ نَشَن سُفَندِشِ؟»

²³دَوُدَ نَشَ عَ يَابِ، «سٍرُيَ شَ دِيٍ، مُنسٍ نَ وٌن تَفِ؟ وٌ وَ مَ قِندِقٍ ﭑ يَشُييٍ نَن نَ تٌ؟ عَ لَنمَ مِشِ ندٍ شَ قَشَ تٌ عِسِرَيِلَ بْشِ مَ؟ ﭑ حَن عَ كٌلٌن ﭑ بَرَ فّ مَنفّيَ سْتْدٍ تٌ.»

²⁴مَنفّ نَشَ عَ قَلَ سِمٍيِ بّ، «ﭑ تَن عِسِرَيِلَ مَنفّ، ﭑ بَرَ ﭑ كَلِ، ﭑ مُ عِ قَشَمَ.»

²⁵سْلُ شَ دِ مٍقِبٌسٍتِ قَن نَشَ سِفَ مَنفّ رَلَندٍ. كَبِ مَنفّ دَوُدَ كٍلِ لْشْي دَرِ سَلَمُ، عَ مُ عَ سَنيِيٍ مَشَ، عَ مُ عَ شَ دُفِيٍ شَ، عَ مُ عَ دّ شَبٍ يَءِلَن. عَ نُ مَمّ تِقٍ نّ مَنفّ شَ فبِلٍن بْحّسَ كُي.

²⁶عَ تٌ قَ مَنفّ رَلَندٍ دَرِ سَلَمُ، مَنفّ نَشَ عَ مَشْرِن، «مٍقِبٌسٍتِ، ﭑ تٌ كٍلِ دَرِ سَلَمُ، مُنقٍ رَ عِ مُ بِرَ ﭑ قْشْ رَ نُ؟»

²⁷عَ نَشَ عَ يَابِ، «ﭑ مَ مَنفّ، ﭑ تَن مُ عَ رَ. نَ لْشْي ﭑ مَ كٌنيِ نَن ﭑ مَدَشُ. ﭑ عَ قَلَ نّ عَ بّ عَ شَ ﭑ بَكِ ﭑ مَ سٌقَلٍ قَرِ سِفَقٍ رَ مَنفّ قْشْ رَ. ﭑ نُ عَ رَبَمَ نَ كِ نّ، بَرِ مَ ﭑ سَنيِيٍ مُ قَن.

²⁸كْنْ ﭑ مَ كٌنيِ نَشَ سِفَ ﭑ شُن مَقَلَدٍ عِ شْن. يَكْسِ، عِ تَن نَشَن لُشِ عَلْ عَلَتَلَ شَ مَلٍكّ، عِ سَفٌي شَ رَبَ.

²⁹عَ سّرِيّ كِ مَ عَ نُ لَنمَ عِ شَ ﭑ بَبَ بْنسْي بِرِن قَشَ عٍ شَ قٍ كٌبِ شَ قٍ رَ عِ تَن مَبِرِ، كْنْ عِ بَرَ تِن ﭑ شَ لُ عِ شَ دٍنبَيَ يَ مَ، وٌن بِرِن شَ وٌن دّفّ يِرٍ كٍرٍن. نَ كُي ﭑ مُ نْمَ عِ مَشَندِدٍ قٍقٍ رَ قَ.»

³⁰مَنفّ نَشَ عَ قَلَ عَ بّ، «عِ نَشَ وْيّنيِ يٌ سَ نَ قَرِ. ﭑ بَرَ نَتّ تٌنفٌ سِبَ شَ بْشِيٍ شَ عِتَشُن.»

³¹مٍقِبٌسٍتِ نَشَ عَ يَابِ، «ﭑ تَن بّ عَ نْمَ عَ بِرِن تٌنفٌدٍ. ﭑ حّلّشِنشِ بَرِ مَ عِ تَن مَنفّ بَرَ سٌ تٌ عِ كّندّشِ رَ.»

³²بَرَ سِلَيِ فَلَدِكَ نُ بَرَ مَنفّ مَتِ هَن يُرُدّن شُرٍ كٍلِ رٌفٍلِمِ. عٍ تٌ شُرٍ عِفِرِ، عَ نَشَ عَ حُنفُ مَنفّ مَ.

³³بَرَ سِلَيِ شَ سِمَيَ نُ بَرَ حّ تٌنفٌ سٌلٌمَسَشَن لِ. عَ نُ بَرَ مّينِ مَنفّ مَ عَ تٌ سِفَ مَشَنَيِمِ كٍلِقٍ دَرِ سَلَمُ. كُنتِفِ بٍلٍبٍلٍ نَن نُ عَ رَ.

³⁴مَنفّ نَشَ عَ قَلَ بَرَ سِلَيِ بّ، «عِ شَ لُ ﭑ قّ مَ دَرِ سَلَمُ. ﭑ نَن حْشْ سَمَ نّ عِ شْن مَ عَ قَنيِ رَ.»

³⁵بَرَ سِلَيِ نَشَ مَنفّ يَابِ، «عَ لَنمَ ﭑ شَ تٍ دَرِ سَلَمُ؟ حّ يٍرِ لُشِ ﭑ مَ سِمَيَ رَ قَ؟

³⁶ﭑ بَرَ حّ تٌنفٌ سٌلٌمَسَشَن سْتْ، ﭑ بَرَ تَفَن سْنْن. هَلِ دٌنسٍ نُن مِنسٍ قَنيِ، ﭑ دّ مُ نْمَ نَ كٌلٌندٍ. ﭑ تُلِ مُ نْمَ سِفِ شُي مّدٍ. عَ مُ لَنمَ ﭑ شَ قِندِ كٌتٍ تُن نَ ﭑ مَ مَنفّ بّ.

³⁷ﭑ مَن عِ مَتِمَ نّ دٌندٌرٌنتِ، كْنْ عِ وَ مَ يِ هّيرِ مْولِ قِقٍ ﭑ مَ مُنقٍ رَ؟