ВЫСЛОЎІ 29:2-6

²Калі множацца праведнікі, весяліцца народ; а калі пануе бязбожнік, стогне народ.

³Чалавек, які любіць мудрасьць, радуе бацьку свайго; а які знаецца з распусьніцамі, той траціць маёмасьць.

⁴Цар правасудзьдзем мацуе зямлю, а аматар хабару руйнуе яе.

⁵Чалавек, які лісьлівіць сябру свайму, сьцеле сетку пад ногі яму.

⁶У грэху ліхога чалавека - сетка яму, а праведнік весяліцца і радуецца.