Text copied!
CopyCompare
Paipel - Än Salomon Fos - Än Salomon Fos 3

Än Salomon Fos 3:4-22

Help us?
Click on verse(s) to share them!
4Are kopwe föri ei, kopwe küna ümöümöch me iteüöch me ren Kot me aramas.
5Kopwe lükü ewe Samol mi Lapalap ren unusen lelukom, nge kosap lükülükü püsin om sile.
6Kopwe chechemeni i won meinisin mine ka föri, nge i epwe aiti ngonuk ewe al mi pwüng.
7Kosap püsin ekieki pwe ka tipachem. Kopwe niuokusiti ewe Samol mi Lapalap o kul seni mine a ngau.
8Ren ei inisum epwe pöchökülela, nge lechuum esap apwangapwang.
9Kopwe asamolu ewe Samol mi Lapalap ren om fang ngeni seni woum, pwal ren mwen kiniom uän irä meinisin.
10Mürin om kewe lenien iseis repwe urela ren wiich, nge ekewe lenien iseis wain repwe urela ren wain o säsewu.
11Nei, kosap oput än ewe Samol mi Lapalap emirit, kosap pwal chipwang ngeni an kapasen fön,
12pun ewe Samol mi Lapalap a emiriti ätewe a echeni, usun eman sam a emiriti nöün we a pwapwaiti.
13A feiöch ewe aramas mi küna tipachem, a feiöch ewe aramas mi wewekai,
14pun ewe feiöch a angei seni tipachem a mürina seni ewe feiöch a angei seni silifer, nge ewe win tipachem a atoto a aüchea seni kolt.
15Tipachem a aüchea seni fau aüchea, nge esap wor och ka fokun efich epwe tongeni nönnö ngeni.
16Tipachem a tongeni fang ngonuk manauatam, pisekisek me iteüöch.
17Tipachem a tongeni awora pwapwa lon manauom o emweni ngonuk kinamwe.
18Tipachem epwe aworato manau ngeni chokewe mi kamwöch won, nge chokewe mi fitipacheiti ra pwapwa.
19Ewe Samol mi Lapalap a föri fanüfan ren an tipachem, a anomu ekewe läng lon lenier ren an silelap.
20Lon an tipachem a föri pwe ekewe lenien puächen koluk ra puächetä, nge ekewe kuchu ra apüngätiu üt.
21Nei, kopwe kamwöch won tipachem me mirit, nge kosap mwüt ngeniir repwe sü senuk.
22Repwe awora manau ngonuk, repwe usun chök epa mwärämwär me fän üom.

Read Än Salomon Fos 3Än Salomon Fos 3
Compare Än Salomon Fos 3:4-22Än Salomon Fos 3:4-22