Än Salomon Fos 3:13-18

¹³A feiöch ewe aramas mi küna tipachem, a feiöch ewe aramas mi wewekai,

¹⁴pun ewe feiöch a angei seni tipachem a mürina seni ewe feiöch a angei seni silifer, nge ewe win tipachem a atoto a aüchea seni kolt.

¹⁵Tipachem a aüchea seni fau aüchea, nge esap wor och ka fokun efich epwe tongeni nönnö ngeni.

¹⁶Tipachem a tongeni fang ngonuk manauatam, pisekisek me iteüöch.

¹⁷Tipachem a tongeni awora pwapwa lon manauom o emweni ngonuk kinamwe.

¹⁸Tipachem epwe aworato manau ngeni chokewe mi kamwöch won, nge chokewe mi fitipacheiti ra pwapwa.