Än Salomon Fos 31:19-30

¹⁹A püsin föri an terech o türüni üfan.

²⁰A kichiöch ngeni ekewe chon wöüngau o lifang ngeni ekewe chon mwelele.

²¹Esap öürek fän iten chon leimwan, lupwen sno a püngütiu, pun ir meinisin ra üföüf üf mi malül.

²²A püsin föri an pilangket, a üföüf üf seni mangaku mi pwechepwech me parapar.

²³Pwülüan we a sil me ren aramasen ewe telinimw, i eman lein ekewe souakomwen ewe fanü.

²⁴Neminewe a tei üf seni mangaku mi pwechepwech, a pwal föri pelit o amömö ngeni ekewe chon amömö.

²⁵A pöchökül o iteföüla, esap niuokusiti ewe fansoun epwe feito.

²⁶A eäni kapasen tipachem, mine a aiti ngeni aramas a fis fän kirikiröch.

²⁷A tümwünüöchü angangen chon leimwan, esap mongö anan mongö fän chipwang.

²⁸Nöün kana ra pwärätä ar kilisou ngeni, pwal pwülüan a ingemwareiti,

²⁹“Chomong fefin ra föri mine a fokun mürina, nge en ka föri mine a mürina seniir meinisin.”

³⁰Liewokekei mwakel chök, pwal liöch pön chök. Nge eman fefin mi niuokusiti ewe Samol mi Lapalap, iei i sipwe mwareiti.