Än Salomon Fos 2:2-12

²Kopwe aü selingom ngeni tipachem o suki lelukom pwe kopwe wewe ren.

³Ewer, kopwe siö ngeni Kot pwe epwe fang ngonuk om silelap, kopwe alapatä mweliom o tüngor ngeni pwe kopwe weweöch ren.

⁴Kopwe kütta tipachem usun om kütta silifer, ika usun om kütta pisek aüchea mi monomon.

⁵Are kopwe föri iei usun, mürin kopwe weweiti aüchean om niuokusiti ewe Samol mi Lapalap o fefeitä lon om silei Kot.

⁶Pun ewe Samol mi Lapalap a fangala tipachem, i a atowu silelap me weweöch.

⁷A atufichi ekewe chon pwüng o tümwünü chokewe mi wenechar seni feiengau usun eu tit.

⁸A mamasa ekewe chon pwüng o tümwünü nöün kewe mi allükülük.

⁹Are kopwe aüselingaei, mürin kopwe weweiti mine a pwüng, let me wenechar, kopwe pwal silei mine kopwe föri.

¹⁰Pun tipachem epwe tolong lon lelukom, nge silelap epwe apwapwai ngünum.

¹¹Iwe, mirit epwe mamasok, nge weweöch epwe tümwünuk,

¹²repwe epetuk seni om kopwe föri mine a ngau, pwal seni ekewe aramas mi eäni kapasen likatuputup,