Än Salomon Fos 28:16-25

¹⁶Eman sounemenem mi ngau esap wor an mirit a ariaföüü aramas, nge ätewe mi oput an epwe angei winnan fän pwüngingau epwe manauatam.

¹⁷Eman aramas mi nimanauei eman, i epwe süsüfeil tori ränin an mäla. Esap wor eman epwe alisi.

¹⁸Eman mi wenechar esap tolong lon feiengau, nge eman mi manau rikirik epwe tolong lon feiengau.

¹⁹Eman mi angang won fanüan epwe wor chomong anan mongö, nge eman mi föri sokopaten angang mi lomotongau epwe watte an wöüngau.

²⁰Eman aramas mi allükülük epwe wor an feiöch mi somwola, nge eman mi amüttiri an epwe pisekisek epwe küna apwüng.

²¹Esap mürina ach sipwe lifilifil aramas, nge fän iten essät pilawa eman aramas a tongeni föri mine esepwüng.

²²Eman aramas mi tipemong a mochen müttir küna pisekisek, nge esap silei pwe wöüngau epwe tori.

²³Eman aramas epwe kilisou ngeni ewe mi apwüngü, lap seni ewe mi eäni kapas amichimich ngeni.

²⁴Eman mi soläni mettoch seni saman ika inan o ekieki pwe esap tipis, i a wewe ngeni eman chon solä.

²⁵Eman aramas mi tipemong a afisätä fitikoko, nge eman mi apilükülükü ewe Samol mi Lapalap epwe wöümongola.