Än Salomon Fos 26:6-14

⁶Eman mi tinngeni eman chon tiparoch eu pworaus a usun chök pwe a püsin pökü pechen o atolonga lon feiengau.

⁷Eu fosun mwiitun seni lon awen eman chon tiparoch a usun chök eman mi mä pechen, esap wor lomotan.

⁸Eman mi asamolu eman chon tiparoch a wewe ngeni eman mi rietä eföü fau ngeni an aülün.

⁹Eman chon tiparoch mi eäni eu fosun mwiitun a usun chök eman chon sakau a weires le üttawu efoch fölün irä lon pöün.

¹⁰Eman aramas mi möni eman chon tiparoch ika eman chon sakau pwe epwe angang ngeni a usun chök eman chon likapich mi akinasa meinisin mi pwerela ünükün.

¹¹Eman chon tiparoch mi liwiniti an föförün tiparoch a usun chök eman kolak mi enisefäli musan.

¹²Ka küna eman mwän mi ikeetä pwe a tipachem? A wor watten apilükülük fän iten eman chon tiparoch lap seni ätewe mi püsin ikeetä.

¹³Eman chon chipwang a apasa, “Mi wor eman laion won ewe al, mi wor eman laion mi rochongau won ekewe alelap.”

¹⁴Usun eu asam a kul won insesin, iei usun eman chon chipwang a kul won an peet.