Än Salomon Fos 26:17-23

¹⁷Eman mi fosolong lon eu anini, nge esap fän itan, a usun chök eman mi fetal won al o turufi selingen eman kolak.

¹⁸Eman mi atupu chon arun, mürin a apasa pwe a chök urumot,

¹⁹a usun chök eman mi fokun umwes, a urumot won pisekin afeiengau.

²⁰Are esap wor mwüchün eu ekkei, ewe ekkei a kunula. Nge are esap wor eman mi luapas, anini a ükütiu.

²¹Usun mooch a sarara me amwüch a angetengeta ekkei, iei usun eman mwän mi souanini a afisätä fitikoko.

²²Än eman chon luapas kapas ra usun chök mongö mi annö, ra tolong leutun eman aramas.

²³Kapasen tinaw mi motoutou me eu leluk mi ngau ra usun chök motoutoun me misin lükün eu sepi mi för seni pwül.