Än Salomon Fos 26:13-17

¹³Eman chon chipwang a apasa, “Mi wor eman laion won ewe al, mi wor eman laion mi rochongau won ekewe alelap.”

¹⁴Usun eu asam a kul won insesin, iei usun eman chon chipwang a kul won an peet.

¹⁵Mi wor aramas ra kon chipwang, ra atolonga pöür lon eu sepien mongö, ra mwo nge chipwang ar repwe uwalong ewe mongö lon awer.

¹⁶Eman chon chipwang a püsin ikeetä pwe a tipachem lap seni füman aramas mi tongeni pälüeni kapas ais fän mirit.

¹⁷Eman mi fosolong lon eu anini, nge esap fän itan, a usun chök eman mi fetal won al o turufi selingen eman kolak.