Än Salomon Fos 17:7-11

⁷Kapas pöchökül esap fichiti eman chon tiparoch, nge kapas chofana esap fokun fichiti eman samol.

⁸Ekoch aramas ra ekieki pwe ar lifangen amichimich a usun chök roong, ra lükü pwe epwe alisiir lon mettoch meinisin.

⁹Eman mi mochen pwe aramas repwe tongei epwe amusala ar tipis ngeni, nge eman mi achemasefäli tipisin eman a tongeni ataela chiechifengen.

¹⁰Eu kapasen apwüng ngeni eman mi mirit a watte eselipäan, lap seni eselipäen ipükü wichiwich ngeni eman mi tiparoch.

¹¹Eman aramas mi ngau a chök mochen ükü ngeni aramas, iei mine eman chon künö mi uwei kapasen afeiengau a tiitiila ren.