Zinama Tumatumae 7:21-27

²¹Zama va malohoria sa barikaleqe meke turaṉa vagia; koari nana zinama vina lomolomoso si saputu vagia sa.

²²Meke hinoqa lulia mo sa sa barikaleqe guana bulumakao sapu ta turaṉa pude la tava mate, guana dia sapu netia sa iku tana sipata;

²³aqa nia sa tupi pude goto pa bulona, guana kurukuru sapu tapuru nuquru pa sipata, sapu lopu rovea sa kote voi pule nia pa minate si asa.

²⁴Ego gamu na tuqu, va avoso mae koa rau, mi kopu va leana ni sari zinama pu zama ni rau.

²⁵Lopu va malumi bulomia pude kekere la pa siraṉa tanisa barikaleqe sana babe muliuṉu meke ene la gua pa nana siraṉa.

²⁶Na soku sari nana boso pu ele va hoqai sa; saripu ele va matei sa si lopu boka ta nae.

²⁷Labena sa siraṉa pa vetu tanisa sapu la gua pa lovu; nuquru la pa vasina tadi na tie matedi.