Zinama Tumatumae 3:2-7

²Ura kote toa soku vuaheni meke gelenae sa mua tinoa, meke kote toa va leana si goi meke bokaboka.

³Mani lopu ta luarae koa goi sa tataru nabuna meke rinaṉeraṉe; paku i pa ruamu, mamu kuberi pa bulomu.

⁴Gua asa si kote leana sa pozamu meke ta qetuqetue koasa Tamasa meke koari na tie si goi.

⁵Raṉea se Zihova pa doduruna sa bulomu, mu lopu kalavarae ia sa mua ginilagilana soti telemu,

⁶pa doduru vinizata pa mua tinoa si mu balabala ia sa Tamasa, meke kote turaṉigo Sa pa siraṉa toṉotona.

⁷Mu balabala ia telemu sapu tie gilagilana si agoi; ba mu va tabea se Zihova mamu kilu pania sa kinaleana.