Zinama Tumatumae 2:3-9

³meke be tioko la si goi pude vagia sa binokaboka pude tumae nia meke kaboa agoi sa ginilagilana,

⁴meke be hata ia goi guana hata siliva meke pitu lulia guana tinagotago tomena,

⁵si kote gilania goi sa pinamaṉana e Zihova meke kote boka tumae nia sa Tamasa.

⁶Ura e Zihova si vari poni nia sa ginilagilana lohina, meke koa Sa vura mae sa tinumatumae meke ginilagilana.

⁷Na minataqara si poni ni Sa koarini pu koa va ṉoṉo, na lave si Asa koarini pu ene pa tinoṉoto,

⁸ura toketoke ni Sa sarini pu tavete va leana meke kopu totoko ni sa sarini pu luli va leana ia si Asa.

⁹Meke kote gilania goi gua sapu toṉoto meke gotogoto, meke kote dogoria goi sa siraṉa toṉotona pude lulia.