Zinama Tumatumae 26:23-27

²³Guana raro patu sapu tavasari na sa beru avoso lea koasa bulo kaleanana.

²⁴Sa tie ṉoṉovala si tome pule nia koasa beruna, ba pa bulona si nobi sa sari hiniva kaleadi.

²⁵Ve avoso lea gua sari nana zinama, ba lopu va hinokaria, ura sa bulona si siṉia na kinukiti.

²⁶Sa kinuhana si va paere ia sa koari nana kinohakoha, ba sari nana hiniva kaleadi si kote ta poho mo koari na tie.

²⁷Asa pu gelia sa pou, si kote hoqa voi ia mo sa; sa patu sapu topili sage nia sa tie, si kote topili gore pule la mo koasa.