Zinama Tumatumae 24:28-31

²⁸Mu lopu va sosode hoboro la koasa turaṉamu, babe kokoha nia sa berumu.

²⁹Mu lopu zama, “Kaqu tavete la nia rau koasa gua sapu tavete mae nia sa koa rau; kaqu hobequ si arau.”

³⁰Ene hola nia rau sa inuma tanisa udapelu, hola nia sa inuma vaeni tanisa tie sapu lopu tumae balabala;

³¹na hiqohiqo rakihi si sage doduru vasina, sa pepeso si ele arahia na hilibubuku, meke sari gobana si ele huara gore.