Zinama Tumatumae 22:1-6

¹Na pozapoza leana si ta okoraena hola, hola nia sa tinagotago nomana; meke pude ta pamaṉae si leana hola nia sa siliva na qolo.

²Sa tie tagotago meke tie malaṉa si kekeṉoṉo nia rini sapu guahe: Zihova mo si tavete beto i sari karua.

³Sa tie balabala valeana si dogoria sa tinasuna meke tome; ba sa tie pupuhuna si totoro la meke ta raza nia sa.

⁴Na vina pepekae meke pinamaṉa la koe Zihova si va kamo tinago, vina lavata, meke na tinoa gelenae.

⁵Sari siraṉa tadi tie kaleadi si koa i na duduli rakihi meke na sipata; ba asa pu lavelave nia sa nana tinoa si koa va seu koarini.

⁶Va tumatumae ia sa koburu pa siraṉa sapu kote enea sa, pana noma sa si lopu kaqu kekere lamae si asa;