Zinama Tumatumae 21:25-31

²⁵Sa inoko'okoro tanisa tie hakohako si kote va matena sa, sina lopu hiva tavetavete sari limana.

²⁶Doduruna sa rane si soku hola pule si koa okoro ni sa, ba sa tie toṉoto si variponi meke lopu tuqe pule.

²⁷Sa vinukivukihi tanisa tie kaleana si variva maledere, meke pana lulia pule kaiqa hiniva kaleadi si kote vea beka?

²⁸Sa tie va sosode kokoha si kaqu mate, ba sa zinama tanisa pu ta ronu si kote ta avoso.

²⁹Sa tie kaleana si kote va matamataqarae kokoha, ba sa tie toṉoto si kote balabala paki meke tiqe zama pa hinokara.

³⁰Loke ginilagilana lohina, loke tinumatumae, loke hiniva, si kote bokaboka hola nia se Zihova.

³¹Sa hose si tava namanama nia sa rane pude varipera, ba sa minataqara si mae guana koe Zihova.