Zinama Tumatumae 20:12-18

¹²Taliṉa sapu avavosae meke mata sapu dodogorae, si tavete betoi e Zihova.

¹³Kakala puta, na kote malaṉa nia goi; tavetavete ṉaliṉali, meke kote soku nigo ginani.

¹⁴“Lopu leanadi, lopu leanadi!” gua sa tie hiva holu vagidi; meke la vivinei nia sa sapu leanadi sapu holu vagi sa.

¹⁵Qolo si koa mo, meke patu ṉedala si soku hola, ba sa beru pude zama nia sa tinumatumae si arilaena hola ni.

¹⁶Vagia sa poko tanisa tie pu va egoa pude lipua sa gale tanisa votiki tie; tuqe vekoa osolae lipua sa sa gale tanisa tie karovona.

¹⁷Na ginani ta hikona si lomoso pa tie, ba pa vina betona si kote guana siṉia onone sa ṉuzuna.

¹⁸Taveti sari na hiniva koari na binalabala ta tokae ni goi; pana la pa vinaripera goi si hata paki tinokae.