Zinama Tumatumae 16:16-19

¹⁶Pude vagi ginilagilana lohina si leana hola nia sa qolo, pude vizatia sa ginilagilana si hola nia sa siliva.

¹⁷Sa hinebala tanisa tie ṉoṉo si seu pa kinaleana; asa pu kopu nia sa nana inene si lavelave nia sa nana tinoa.

¹⁸Na vinahesi pule si va kamoa sa tinahuara, na maqomaqo va titie si lopu sana hoqa.

¹⁹Leana si pude va pepekae pa maqomaqo meke koa turaṉi saripu ta ṉovala, hola nia pude somana vagi tiṉitoṉa ta hikodi koa rini pu vahesi puleni.