1Sari hiniva pa bulona si tanisa tie, ba koe Zihova si mae sa inolaṉa hinokarana.
2Doduru tinavete tanisa tie si toṉoto pa matana, ba e Zihova si viliti sari nana hiniva.
3Veko lani koe Zihova sari doduru tinavete tamugoi, meke kote gorevura sari mua hiniva.
4Doduru pu va podaki Sa si pude Tanisa sari laedi rini, sari tie kaleadi ba koa nana dia rane tinahuara.
5Zihova si hakohako ni sari bulo pu vahesi puleni, mi tumae nia si hie: ura kaqu tava kilasa si arini.
6Pa tataru nabuna meke rinaṉeraṉe si ta leosae sa sinea; pa pinamaṉana e Zihova si lopu ene sea sa tie.
7Pana leana sa hahanana tanisa tie koe Zihova, si sari nana kana ba va bulei Sa.
Zinama Tumatumae 16
Zinama Tumatumae 16:1-7