Zinama Tumatumae 14:24-27

²⁴Sari na tinagotago tadi na tie gilaedi si na dia toropae baṉara, ba sa dinuviduvili si na pakupaku tadi tie pekipeki.

²⁵Na tie va sosode hinokara si harupu tie, ba sa tie va sosode kokoha si sekesekei.

²⁶Asa pu pamaṉa nia se Zihova, si ta kopue koa Sa, meke sari nana koburu kote boka la tome vasina.

²⁷Na pinamaṉana e Zihova si na bukaha tanisa tinoa, va kekere taloa ia sa tie koasa sipata tanisa minate.